Iai tataro tabeua aika e aki kaekai te Atua. Iangoi itera aika uoua ake a kaira te Atua bwa e na rawa nakon ana tataro te aomata.

1. E aki boraoi te tataro anne ma nanon te Atua

 E aki kaekai bubutii te Atua aika aki boraoi ma nanona, ke ana kaetieti aika n te Baibara. (1 Ioane 5:14) N te katoto, e tua te Baibara bwa ti na rarawa nakon te nanonrang. Te takaakaro n te mwane e kauekea te nanonrang. (1 I-Korinto 6:​9, 10) Ngaia are te Atua e na bon aki kaekaa am tataro ngkana ko bubutii bwa e na reke iroum te kaniwanga. Bwa te Atua tiaki te taamnei ngaia ae ko kona ni weteia bwa e na kakoroi bukini baika ko tangiri. Ko boni kona ni kakaitau ibukin aei. Bwa ngkana anne aron te Atua, ko na bae ni maaku naba n te baere a tataroia tabemwaang bwa e na karaoia te Atua.—Iakobo 4:3.

2. Te aomata ae tataro bon te tia karitei

 E aki ongoraei te Atua aia tataro naake a imanono ni kaunna n aia mwakuri. N te katoto, e kangai te Atua nakoia naake a taku bwa a toro irouna ma a boni karitei: “E ngae ngke kam kabatiai ami tataro, ma I aki ongo, bwa a on baimi n te raraa.” (Itaia 1:15) Ngke arona bwa a bitii aroia ao ni “kaetii bwaai” i marenaia ma te Atua, e na bon ongo n aia tataro.—Itaia 1:18.