Sẹ̀lẹ̀nù Ge Kẽ̀èa Boo Ú Jíízọ̀s
Saturday, April 12, 2025
Enè tóm buù gbáá, Gbò Neǹ Ditõ̀ò Jìhóvà ólò kẽ̀èa boo ú Jíízọ̀s belí bé e ẹlẹ beè kọ́ naa kọọ̀: “Olòó naanii níí naamá gè kẽeam mí boo.”—Luke 22:19.
È kólì ni siimá kẽè nakà sẹ̀lẹ̀nùí.
Gbò Bíb E Bà Ólò Bọ̀ọ̀gẹ̀ Bĩiná
Kuu kà ávà ní e bàé sẹẹmà sẹ̀lẹ̀nùí ẽ́?
Àé láá dú ene kà ávà.
Ãàe ní ea é sẹẹà ẹ?
Bĩiná Gbò Neǹ Ditõ̀ò Jìhóvà kĩée ea é sẹẹà ea di kĩée eo dì.
É kọ bàé kpẽ́ kpègè bã̀àmà?
Ẽ́èe.
É kọọ̀ bàé tú ni kpègè bá?
Ẽ́èe.
É kọ̀ à íe ene íb kọ̀là ló e bàé nveà siimá?
Náa kal ló béè kọọ̀ náa íe enè íb kọ̀là ló e bàé nveà siimá, Gbò Neǹ Ditõ̀ò Jìhóvà ólò pììgà ge tõó boo dùùlà bá deè tṍ ea di mm̀ Kpá Káí ea kil ló gè nvèà nu boo bá ea bọ́ló nè mm̀ sĩ́deè ea é nveè va ka ló. (1 Tímotì 2:9) Náa dú bíi kọ ó nvèà kọ̀là ló ea bọọgẹ̀ sí kpègè.
Éé ní ea é nááá gbẹá kẽè sẹ̀lẹ̀nùí ẽ́?
Bàé tú sọ́l nè tã̀àgã ló Bàrì dààmà togó vaá nvèèmà kùbmà ló, enè Neǹ Ditõ̀ò Jìhóvà ní ea é tãàgã ló Bàrì e. Pọ̀bkà gá ea di ló sẹ̀lẹ̀nùí dú lòbèl ea kọ́ bé e ú Jíízọ̀s dú bíi naa nè bé eé láá ié bélè lọl ló nú e Bàrì nè Kráìst beè naa nèi naa.
Ge kpáá dã́ bọ̀ọ̀vẹ̀, bugi togó bel ea kọ́ọ̀ “Why Do Jehovah’s Witnesses Observe the Lord’s Supper Differently From the Way Other Religions Do?”
Mó dee ní e sẹ̀lẹ̀nù ge kẽ̀èa boo ú Kráìst é sẹẹa gbò gbáá ea é dú sĩ́é?
2025: Saturday, April 12
2026: Thursday, April 2
Àé Láá Leemá Ni Gè Ẹ̀b Nàgé
GE KẼ̀ÈA BOO Ú JÍÍZỌ̀S
Kẽ̀èa Boo Ú Jíízọ̀s
È kólì ni kọ ó dù gé zọ̀i sí kẽè nakà pọ̀b kà sẹ̀lẹ̀nùí. Òó nyímá bé e dùm Jíízọ̀s nè a ú é láá dọ̀ bélè nèni naa.
ESSENTIAL BIBLE TEACHINGS
Éé Ní Ea Náa Vaá Jíízọ̀s À Ù E?
O beè láá dã́ kọọ̀ a beè ú boo bẹẹ pọ́lọ́. Sõò é kọọ̀ ene kà vààla gyọ́ọ é láá dọ̀ bélè nè gã́bug gãà gbò nen?