SECCIÓN 8
Como afrontar as desgrazas?
“Brincades de alegría, anque agora, se fai falta, teñades que sufrir por un pouco tempo diferentes probas” (1 Pedro 1:6)
Por moito que te esforces por ter un matrimonio e unha familia felices, poida que ocorran cousas inesperadas que cho dificulten (Eclesiastés 9:11). Deus bondadosamente dános axuda para facer fronte ás dificultades. Se aplicas os seguintes principios bíblicos, tanto ti como a túa familia poderedes saír adiante mesmo nas peores situacións.
1 CONFÍA EN XEHOVÁ
QUE DI A BIBLIA? “Botade sobre Deus tódalas vosas ansias, que El coida de vós” (1 Pedro 5:7). Recorda sempre que Xehová non é quen causa os teus problemas (Santiago 1:13). Segundo te vaias achegando a El, Deus axudarate da mellor maneira posible (Isaías 41:10). “Desafoga diante del o corazón” (Salmo 62:9 [62:8, NM]).
Atoparás consolo ó ler e estudar a Biblia tódolos días. Como consecuencia verás de primeira man como Xehová nos anima “en tódalas nosas mágoas” (2 Corintios 1:3, 4; Romanos 15:4). El promete que che dará “a paz de Deus, que supera toda intelixencia” (Filipenses 4:6, 7, 13).
QUE PODES FACER?
-
Rógalle a Xehová que te axude a manter a calma e a pensar con claridade.
-
Ante un problema, revisa tódalas túas opcións e escolle a que creas mellor.
2 COIDA DA TÚA FAMILIA E DE TI MESMO
QUE DI A BIBLIA? “Mente prudente acada o saber” (Proverbios 18:15). Trata de recoller toda a información importante. Descobre o que necesita cada membro da túa familia. Fala con eles. Escóitaos con atención (Proverbios 20:5).
Que facer cando un dos nosos morre? Non gardes para ti os teus sentimentos e expresa como te sentes. Recorda que mesmo Xesús “botouse a chorar” (Xoán 11:35; Eclesiastés 3:4). Toma o teu tempo para descansar e durmir o suficiente (Marcos 6:31). Deste xeito serache máis sinxelo afrontar unha situación angustiosa.
QUE PODES FACER?
-
Antes de que pase nada malo, colle o costume de falar coa túa familia. Así, cando teñades un problema, halles ser moito máis doado falar contigo.
-
Fala con outros que poida que afrontasen situacións parecidas.
3 BUSCA AXUDA
QUE DI A BIBLIA? “Un amigo ama en todo tempo” (Proverbios 17:17). Os teus amigos desexan axudarte, pero poida que non saiban como. Dilles o que de verdade necesitas (Proverbios 12:25). Busca tamén a axuda espiritual daqueles que coñecen ben a Biblia. A súa guía baseada na Palabra de Deus axudarate (Santiago 5:14).
Se te xuntas con xente que de verdade ten fe en Deus e cre nas Súas promesas terás a axuda que necesitas. Tamén recibirás ánimo ó axudar a outros que necesiten consolo. Comparte con eles a túa fe en Xehová e nas Súas promesas. Mantente ocupado axudando ós demais, e non te illes daqueles que te queren e que desexan coidar de ti (Proverbios 18:1; 1 Corintios 15:58).
QUE PODES FACER?
-
Fala cun amigo íntimo e deixa que te axude.
-
Sé específico e honesto cando fales do que necesitas.
