Non, en absoluto. Máis ben, se nalgunha ocasión descubrimos que as nosas crenzas non estaban de acordo coas ensinanzas da Biblia, cambiamos as nosas crenzas.

 Moito antes de comezar a producir a Traducción del Nuevo Mundo de las Santas Escrituras en 1950, xa estudabamos a Biblia. Para investigar cales deberían ser as nosas crenzas utilizabamos calquera das traducións dispoñibles naquel tempo. Pensa nas seguintes crenzas que temos as testemuñas de Xehová froito daquela investigacion, e decide por ti mesmo se coinciden co que di a Biblia.

1.   O que cremos: Deus non é unha trindade. O número de xullo de 1882 da revista Zion’s Watch Tower (hoxe en español La Atalaya) afirmou: “Os nosos lectores saben que, aínda que nós cremos en Xehová, en Xesús e no espírito santo, rexeitamos a ensinanza de que sexan tres deuses nunha persoa ou, como outros din, un deus en tres persoas, xa que é totalmente oposta ás Escrituras”.

     O que di a Biblia: “Xehová noso Deus, Xehová é un” (Deuteronomio 6:4, Reina-Valera [RV], 1865). “Hai un só Deus, o Pai, do cal son tódalas cousas, e nós nel; e un Señor, Xesucristo” (1^a Corintios 8:6, RV, 1865; ortografía actualizada). Xesús mesmo afirmou: “O Pai é maior ca min” (Xoán 14:28, Torres Amat, 1823).

2.   O que cremos: non existe o tormento eterno no inferno. O número de xuño da revista Zion’s Watch Tower contiña un artigo titulado “O salario do pecado é a morte”. Respecto desta declaración, tomada de Romanos 6:23, o artigo dicía: “Esta declaración é clara e sinxela. Resulta estraño que moitos que aseguran que a Biblia é a Palabra de Deus insistan en contradicir esta afirmación, mentres seguen a dicir que cren, e que a Biblia ensina, que o salario do pecado é vivir eternamente no inferno”.

     O que di a Biblia: “A alma que peque, esa morirá” (Ezequiel 18:4, 20, RV, 1865). O castigo final para todos aqueles que se opoñen a Deus non é o tormento eterno, senón a “destrución eterna”, ou “eterna ruína”, como di a tradución Nácar-Colunga de 1944 en 2^a Tesalonicenses 1:9.

3.   O que cremos: o Reino de Deus é un goberno real, non unha condición do corazón. Respecto do Reino de Deus, o número de decembro de 1881 da revista Zion’s Watch Tower comentou: “A creación deste reino implicará, por suposto, a eliminación de tódolos demais reinos da Terra”.

     O que di a Biblia: “Nos días daqueles reinos o Deus do ceo levantará un reino, que non será xamais destruído, e este reino non pasará a outro pobo: senón que quebrantará e acabará todos estes reinos: e el mesmo subsistirá para sempre” (Daniel 2:44, Scío de San Miguel, 1850; ortografía actualizada).

 Non, xa que seguimos a usar moitas traducións da Biblia na nosa predicación. De feito, aínda que poñemos gratuitamente a Traducción del Nuevo Mundo a disposición de todo aquel que queira estudar a Biblia con nós, tamén estudamos con todos aqueles que prefiren usar outras traducións.