Unha traballadora illa as tubaxes da calefacción na sala de caldeiras.

Uns traballadores especializados colocan azulexo nas paredes das duchas dos vestiarios.

Un traballador instala un sistema reticular de protección contra os lóstregos, coñecido como rede aérea de interrupción. Esta rede forma parte dun sistema deseñado para protexer o edificio das descargas eléctricas dos raios. O arnés do traballador está ancorado á cuberta, permitíndolle traballar con seguridade.

Dous traballadores limpan os vidros nos que se colocarán adhesivos que farán visibles estes grandes cristais. Isto incrementa a seguridade ó impedir que alguén poida pegar contra eles pensando que non hai cristal.

Unha traballadora do complexo emprega unha cámara de circuíto pechado para comprobar que as drenaxes instaladas recentemente estean limpas e listas para seren empregadas.

Uns carpinteiros instalan paneis de madeira nas paredes da zona multiúsos que se empregará tanto de comedor como de auditorio. Aquí tamén se celebrarán eventos especiais.

Uns paisaxistas plantan filas de arbustos autóctonos nun muro de contención.

Uns traballadores do equipo de exteriores colocan un vidro para formar un falso balcón. Estas barreiras protexen os residentes ó tempo que permiten a entrada de luz e aire.

Dúas electricistas colocan a iluminación no exterior da recepción principal.

Un traballador do equipo mecánico corta un conduto de ventilación cunha tesoira eléctrica.

Os equipos do complexo e de paisaxismo plantan árbores e preparan as beirarrúas. Á esquerda está a zona multiúsos que se empregará como comedor, auditorio e espazo para eventos. Ó fondo pódese ver o edificio de vivendas A.

Un técnico instala unha parte do sistema de aspersión contra incendios.

Uns paisaxistas preparan o chan para sementar céspede. Ó fondo pódese ver como limpan as ventás das oficinas cunhas perchas telescópicas que botan auga.

Uns traballadores do equipo de acabados aplican no chan un composto autonivelador. Empregan un rolo especial que lles permite aplicar unha capa uniforme do composto. Despois pásanlle un rolo con pugas para que saian as burbullas de aire.

Uns traballadores do equipo de acabados colocan o chan de vinilo na zona multiúsos que se empregará como comedor, auditorio e espazo para eventos. Na parede do fondo, onde se instalará a plataforma, fixáronse dúas pantallas de televisión sobre paneis acústicos.

A carón do estudio de vídeo, un carpinteiro equipa o salón de peiteado e maquillaxe que usarán os que participen nos vídeos.

Uns carpinteiros instalan os carrís polos que se deslizarán as paredes móbiles. Isto permitirá reconfigurar os espazos das oficinas con facilidade.

Un contratista instala estruturas metálicas no estudio de vídeo. Nestas estruturas pendúranse os equipos necesarios que se empregarán durante as gravacións, como luces ou cámaras.

Vista aérea dende o norte. Á esquerda están os edificios de vivendas B, C, D, E e F, que xa están rematados. No centro, o edificio de vivendas A está a piques de finalizarse e o edificio de oficinas xa está acabado. Á dereita están os edificios de produción sur e norte que están case rematados. Namentres, os traballos de axardinamento continúan en todo o recinto.

Uns traballadores colocan o chan do patio que está detrás da recepción. Ó fondo, baixo dunhas carpas que protexen do sol, limpan as lousas de pedra que se acaban de colocar.