PROSN 2
Deva Vixim Tumi Koxim Zannam Zatolim?
‘Somurtichem pustok sodanch tujea onttancher asum; sogllem boroilolem asa tem vevsaien samballche khatir, dis ani rat tacher niall kor. Tedna sogllim tujim kamam xarti pavtolim ani tuka ies mellttolem.’
Joshua 1:8
“Ezran Devachea pustoka velem vachlem ani tacho orth oso dilo ki sogllo lok vachlam tem somzolo.”
Nehemias 8:8
“Zo monis noxtteanchi budh gheun cholona, . . to khoroch bhagi! Sorvesporachea updesancher tacho sontos, dis-rat Tachem nem to monant niallit asa. . . soglleo tacheo kornnio sufoll!”
Stotr 1:1-3
“Filip tea rotha sangata dhanvonk laglo ani tannem to odhikari Izaias provadeachem pustok vachta tem aikolem. Tor tannem taka vicharlem: ‘Tum vachta tem tuka somzota?’ Tannem mhunnttlem: ‘Konnem-i mhaka hachi somzonni dilea bogor hanv koso somzotolom?’”
“Sonvsar rochla tednam thaun Devache disonant tosle gunn mhunnche tachea koddem odmas lavunk zaina titli xokti asa, ani to khoroch Dev mhunn tannem rochlolea vostum thaun sarkem dison ieta. Taka lagon, tacher visvas dovornastana ravonk te kainch nimit diunk xokonant.”
“Tuji vaddavoll soglea lokank, sarki dison ieunk hea vostum vixim bariksannen chintit rav ani tantuntuch buddon rav.”
“Eka-meka vixim chintun ami mog ani borem kam korunk eka-mekak urba dium-ia. Toxench, ami ektthaim ievop soddchem nhoi.”
“Tumchea modlea konnakui zannvaiechi goroz asa zalear tannem ti Deva lagim magot ravchi, ani Dev ti taka ditolo. Karonn Dev konnakuch unno mhunn lekhinastana, sogleank udar kallzan dita.”
