આ કાર્યક્રમ કેટલો સમય ચાલશે?

એ એક કલાકનો હશે.

કાર્યક્રમ ક્યાં રાખવામાં આવશે?

તમારી નજીકની જગ્યા વિશે જાણવા યહોવાના સાક્ષીઓનો સંપર્ક કરો.

કાર્યક્રમમાં હાજર રહેવા શું કોઈ પૈસા આપવા પડશે?

ના.

શું ત્યાં દાન ઉઘરાવવામાં આવશે?

ના.

શું કોઈ ખાસ પ્રકારનાં કપડાં પહેરીને આવવું પડશે?

ના. કોઈ ખાસ પ્રકારનાં કપડાં પહેરીને આવવું જરૂરી નથી. કપડાં વિશે યહોવાના સાક્ષીઓ ઈશ્વરનું માર્ગદર્શન પાળે છે. તેઓ શોભતાં અને મર્યાદા જાળવે એવા કપડાં પહેરે છે. (૧ તિમોથી ૨:૯) મોંઘા મોંઘા કપડાં કે સૂટ-બૂટ પહેરીને જ આવવું જરૂરી નથી.

સ્મરણપ્રસંગે શું કરવામાં આવે છે?

સભાની શરૂઆત અને અંત ગીત અને પ્રાર્થનાથી થશે. પ્રાર્થનાઓ યહોવાના સાક્ષીઓમાંથી કોઈ ભાઈ કરાવશે. કાર્યક્રમમાં એક ખાસ પ્રવચન હશે જેનાથી સમજણ મળશે કે ઈસુનું મરણ આપણા માટે કેમ મહત્ત્વનું છે. એ પણ જોઈશું કે ઈશ્વર અને તેમના દીકરા ઈસુએ આપણા માટે જે કર્યું એનાથી કઈ રીતે ફાયદો થાય છે.

વધુ જાણવા આ લેખ વાંચો “યહોવાના સાક્ષીઓ શા માટે બીજા ધર્મો કરતાં જુદી રીતે પ્રભુભોજન ઊજવે છે?”

આવનાર વર્ષોમાં સ્મરણપ્રસંગ ક્યારે ઊજવવામાં આવશે?

૨૦૨૫: શનિવાર, ૧૨ એપ્રિલ

૨૦૨૬: ગુરુવાર, ૨ એપ્રિલ