PÜTCHI 11
¿Kasa alataka nümüin wanee wayuu outapa nia?
«Yüüʼülaa müsü naaʼin. Mmashi nüchikuaʼa; nnojoluitpa kasain jülüjain naaʼin».
Salmo 146:4
«Na wayuu katayüliikana oʼu, natüjaa aaʼu outeenain naya soʼu wanee kaʼi; akanasaʼa na outushiikana, nnojorüleesia kasain natüjaain aaʼu [. . .]. Süpüshuaʼa tü kasa eekat süpüla paaʼinrüin, paaʼinra shia, süka jamüin, nnojoleerüin kasain piʼyataain anain, nnojoleerüin kasain pütüjaain aaʼu otta nnojoleerüin kasain pütüjain apüleerua suluʼumüin tü Amuuyuukat, eemüinjachire pia».
Eclesiastés 9:5, 10
«Anuukalaka sooʼomüin nünüiki Jesús: ‹Atunkushi chi waʼaleewainkai Lázaro, chainjachikalaka taya süpüla tachijirüin nia›». «Shia nüküjeeka achiki Jesús outuin Lázaro. Eekajasaʼa naaʼinruʼu na nikirajüinkana, atunkayaashi neʼe, eemeraayaashi naaʼinruʼu. Pansaʼaleeka nünüiki Jesús sünain maa namüin: ‹Outushi Lázaro›».
