«Mayaainjeʼe nnojoluitpain wainmain wayuu outaka sutuma tü ayuuliikat COVID-19, ayatüsia eein shia otta eesü süpüla ayuulin wayuu sutuma. [...] Eejaʼalaa sümüle wanee ayuulii makalü aka saaʼin tia, choʼujaasü watüjaain saaʼu tü waaʼinrüinjatkat» (Tedros Adhanom Ghebreyesus, director general de la Organización Mundial de la Salud, maayoʼu 22 soʼu 2023).

 Wainma wayuu müliayütkalia maaʼulu sutuma tü shiʼipünaalakat tü ayuuliikat COVID-19 otta ayatayülia mojuin naaʼin. Eejaʼalaa sümüle süchikuaʼa wanee pandemia, ¿natüjaaitpache saaʼu na sülaülashiikana mma otta na tottootkana tü naainjainjatkat? ¿Nountuinche anain wayuu natuma maaʼulu?

 Süküjain tü Bibliakat nüikaleʼerüinjatüin «chi Maleiwa sirumatuʼujeʼewaikai sukuwaʼipa wanee aluwatawaa» otta nnojoleena ayuulin na wayuukana Nuluwataapa (Daniel 2:44). Nnojoleechi eein wanee wayuu kepieechikai saaʼu tü Mmakat eekai «‹ayuuishi taya› nümeechin» (Isaías 33:24). Napüshuaʼa na wayuukana nnojoleenain naya ayuulin otta katchinjeerü naaʼin maʼaka katchin naaʼin wanee jimaʼai jee wanee majayüt (Job 33:25).