¡EEJA MAʼIN PAAʼIN!
¿Eejeetche wanee kaʼi nnojoleetka oʼu paʼürülaawajiraain wayuu sünainjee naatain neʼiruku? | ¿Jamüsüche sünüiki tü Bibliakat süchiki tia?
Keeʼireesü maʼin saaʼin wayuu nnojoluin eein tü aʼlerajakat wayuu, isapejeʼe nachiki nountuin tia.
«Sutuma koʼuin maʼin sukuwaʼipa wayuu sainküin mmaka amojujaasü maʼin nakuwaʼipa na wayuukana, müsü aka saaʼin wanee weneena outasiroʼu» (António Guterres, secretario general de las Naciones Unidas).
¿Eejeetche wanee kaʼi paaʼinweenaka oʼu na wayuukana jaʼitairü naatain neʼiruku? ¿Jamüsü sünüiki tü Bibliakat süchiki tia?
Tü jülüjakat naaʼin Maleiwa süchiki tia
Aküjünüsü suluʼu tü Bibliakat tü jülüjakat naaʼin Maleiwa nachiki na naatakana oumain jee na naatakana eʼirukuu.
«Nünainjee waneeshia wayuu, nukumajüin Maleiwa napüshuaʼa na wayuukana süpüla kepiainjanain naya sainküinpünaa tü mmakat» (Alu 17:26, TNM).
‹Nnojotsü koʼuin nukuwaʼipa Maleiwa sümüin wayuu. Anashiisü nakuwaʼipa nümüin na wayuu kojutukana amüin nia› (Alu 10:34, 35, TNM).
Süküjain tü Bibliakat nünainjeejachin waneeshia wayuu napüshuaʼa na wayuukana otta nnojotsü koʼuin nukuwaʼipa Maleiwa sümüin wayuu.
Tü kaʼi paaʼinweenakalü oʼu wayuu süpüshuaʼa
Paaʼinweena napüshuaʼa na wayuukana nuluwataapa Maleiwa chejee iipünaajee. Ekirajüneena naya süpüla anajiraainjanain naya. Nounteetkalaka nooʼulaain suulia alerajaa wayuu.
«Shiyaawateerü aaʼu wayuu tü lotookalü akuwaʼipaa» (Isaías 26:9).
«Jimatüsü naaʼin wanee wayuu sutuma tü lotookalü akuwaʼipa; aneerü naaʼin süpüla kaʼika süpüshuaʼa sümaa nnojoleechin mmoluin nia» (Isaías 32:17).
Maaʼulu yaa wainma na wayuu ekirajaakana sünain tü Bibliakat. Sutuma tia, natüjaa aaʼu tü naaʼinrüinjatkat süpüla kojutuinjatüin wayuu namüin.
Pütüjeere sooʼomüin paashajeʼera tü pütchi kanüliakat «¿Tiene cura el prejuicio?», suluʼusü shia tü karaloʼutakat ¡Eeja Waaʼin!
Paashajeʼera tü pütchikat «¿Cómo hablar con sus hijos sobre el racismo?», piyaawateerü aaʼu tü naaʼinrajatkat na kachonshiikana süpüla yootuin namaa nachonnii süchiki tia.
Eesüjaʼa kamalainjeerüle pümüin aashajeʼeraa tüü
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Paapüirü süchiki Nuluwataainjachin Maleiwa?
Tü nikirajakat maʼin anain Jesuu sünain aküjaa pütchi, shia süchiki Nuluwataaya Maleiwa. Kakaliairü achuntuin wayuu süpüla süntüin Nuluwataaya Maleiwa.
SUNOUTEʼERÜIN NAKUWAʼIPA TÜ BIBLIAKAT
Mojusü tamüin koʼuin sukuwaʼipa wayuu
Wanaawasü saaʼin Rafika namaa waneinnua wayuu mojukana amüin koʼuin sukuwaʼipa wayuu. Shiyaawata aaʼu mapa aneerüin nakuwaʼipa na wayuukana nuluwataapa Maleiwa saaʼu tü mmakat.
AAPIRIA WAYUU
¿Ajaʼtteetche mapeena tü alerajaakat wayuu?
Sükaaliinjüin tü Wiwüliakat na wayuukana süpüla nnojoluin nalerajüin wayuu. Naainjüin tia apünüinshii wayuu. ¿Ajaʼtteetche mapeena tü alerajaakat wayuu?
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.
