AAPIRIA WAYUU Nuum. 2, 2020 | ¿Paapüitche süchiki Sukuwaʼipa Aluwatawaa nutuma Maleiwa?
Kakaliairü sütüjaweein aaʼu wayuu süchiki Nuluwataaya Maleiwa. Aküjünüsü süchiki tia suluʼu tü Wiwüliakat otta mapüleesat ayaawataa saaʼu.
«Wachuntuin pümüin puluwataainjachin chaa iipünaajee», wanee pütchi eʼraajünaka maʼin
Wainma wayuu achuntakana süpüla nuluwataainjachin Maleiwa. Nnojotpejeʼe natüjaain saaʼu jamaluʼuluin tia nachuntakat.
¿Jamüsü choʼujaaka nuluwataain Maleiwa waaʼu?
Müliasü wayuu sutuma naluwanaajiraain naaʼu.
¿Jarai chi aneekünakai süpüla aluwatawaa?
Nüshajirüin Maleiwa suluʼu tü Wiwüliakat waneirua kasa ayaawatünüinjachika akajee chi aluwataai nüneekakai. Niaʼaya maʼin Jesuu chi anakai süpüla aluwatawaa saashin tü Wiwüliakat.
¿Joujaleechi nuʼttaka Maleiwa sünain aluwatawaa saaʼu tü Mmakat?
Natüjawee aaʼu tia na nikirajüinkana Jesuu. Nüküjain Jesuu joujaleechin nuʼttüin Maleiwa sünain aluwatawaa.
¿Jameerü sukuwaʼipa wayuu nuluwataapeena Maleiwa saaʼu tü Mmakat?
Nütüjaa aaʼu Jesuu niain neʼe Maleiwa eeka süpüla najaʼttirüin tü kasa mojusü müliakalü atuma wayuu. Naaʼinreerü Maleiwa tia sükajee tü Nuluwataayakat. ¿Kasa naaʼinrüitpaka Maleiwa sükajee tü Nuluwatayaakat?
Piʼyataa nümüin Maleiwa maaʼulu yaa
Nüküjain Jesuu namüin na nikirajüinkana shiainjatüin jülüjain naaʼin waneepia tü Nuluwataayakat Maleiwa. ¿Kasa paaʼinrüinjatka süpüla paaʼinmaain waneepia tü Nuluwataayakat Maleiwa?
Sukuwaʼipa Aluwatawaa nutuma Maleiwa
Watta naalii na wayuu achuntawaikana nümüin Maleiwa süpüla nuluwataainjachin saaʼu tü Mmakat. ¿Eeirü püsakirüin anain paaʼin jaralüin tü sukuwaʼipakat aluwatawaa nutuma Maleiwa? ¿Jameetche wakuwaʼipa sutuma tia aluwataayakat?
