Müiria nnojoluin eein tü üttaakalü aaʼin
Eesü süpüla wasünneʼerüin suluʼujee waaʼin tü üttaakalü aaʼin, shiajaʼa neʼe isain wachiki wasünneʼerüin shia suluʼujee naaʼin na waneinnua. Wainma na üttakana aaʼin nanain na waneinnua, mayaainjeʼe nnojoluin naaʼinrüin kasa mojusü namüin. ¿Jarai chi ajaʼttirüinjachikai tü üttaakalü aaʼin?
Nia neʼe Jehová chi Maleiwakai ajaʼttirüinjachikai tü üttaakalü aaʼin. Otta süküjain tü Bibliakat naaʼinrüinjatüin tia (Proverbios 20:22).
NAJAʼTTIREERÜ MALEIWA TÜ KASA ÜTTAKALÜ ATUMA SAAʼIN WAYUU
-
1. SATANÁS, CHI YOLUJAAKAI. Nia chi aapiee eʼrüijaakai wayumüin, chi kanainjeejachikai tü üttaakalü aaʼin. Najaʼttireechi nia Maleiwa namaa napüshuaʼa na wayuu üttakana aaʼin sünain wayuu (Salmo 37:38; Roma 16:20).
-
2. TÜ KASA NULUWATAAKALÜ AAʼU SATANÁS. Najaʼttireena Maleiwa na kanainjeejanakana tü üttaakalü aaʼin maʼaka naaʼin na polítiko mojulaakana otta na shikiipüʼükana iküleesia jee na kajapuluʼukana suwashirüin mma, na emeejakana wayuu (2 Pedro 3:13 TNM).
-
3. TÜ KAAINJALAAKAT. Süküjain tü Bibliakat waleʼeruʼuin wapüshuaʼa tü kaainjalaakat, müsüjeseʼe wekiiruʼuin jee waaʼinrüin kasa mojusü (Roma 5:12). Saʼakajee tü kasa mojusükat, eesü tü üttaakalü aaʼin. Nükaalinjeenapejeʼe waya Maleiwa süpüla lotuinjatüin maʼin wakuwaʼipa mapeena otta nnojoleerüin tü üttaakalü aaʼin suluʼu waaʼin (Isaías 54:13).
SÜKÜJAIN TÜ BIBLIAKAT NNOJOLEERÜIN EEIN ÜTTAA AAʼIN
-
1. NNOJOLEERÜ AAINJÜNÜIN KASA MOJUSÜ. Aluwataajeechi Maleiwa iipünaajee saaʼu wayuu yaa mmapaʼa, loteerü süpüshuaʼa tü kasakat nutuma (Daniel 2:44). Nnojoleerü eein tü alerajaakat wayuu jee tü aʼleejaakat wayuu. Pasalaajeena nutuma Maleiwa na müliakana atumawaa maaʼulu (Lucas 18:7).
-
2. AIJIRAAJEENA WAYA WAPÜSHUAʼA. Nnojoleerü jaralüin müliain sutuma atkawaa jee mojulawaa (Salmo 46:9). Nayeena neʼe na anamiakana kepieenakana yaa mmapaʼa (Salmo 72:7).
-
3. JIMATEERÜ WAAʼIN. Aijiraajeena waya wapüshuaʼa (Mateo 22:39). Nnojoleerü eein wanee kasa mojuka atuma waaʼin, nnojoleerü wekiiruʼuin kasa mojusü otta nnojoleerü jülüjain waaʼin tü kasa mojusü weʼrapuʼukat (Isaías 65:17). Nnojotpa eein tü üttaakalü aaʼin, jimateerü naaʼin na wayuukana süpüla kaʼikat süpüshuaʼa (Salmo 37:11).
¿Kepieeshiche pia suluʼu wanee mma makalü aka saaʼin tia? Maaʼulu yaa watta naalii na wayuu aküjaliikana pütchi nüchiki Jehová asünneʼerakana suluʼujee naaʼin tü üttaakalü aaʼin. Nountuin tia süka naaʼinrüin tü sümakat tü Bibliakat (Salmo 37:8). Mayaainjeʼe naatain noumain jee nakuwaʼipa, aijiraashii naya (Isaías 2:2-4).
Nekirajeein pia na aküjaliikana pütchi nüchiki Jehová süpüla pütüjaain saaʼu tü anakat süpüla paaʼinrüin saainjünüle kasa mojusü pümüin otta pülerajünüle sutuma wayuu. Sutuma tü pütüjeetkat sünainjee tü Bibliakat, püsünneʼereerü shiʼipaʼaya tü üttaakalü aaʼin suluʼujee paaʼin jee aijeerü wayuu püpüla. Aneerü pukuwaʼipa namaa na waneinnua jaʼitaichi nümüin chi eekai eʼrülin wayumüin pümüin otta chi eekai üttüin naaʼin pünain. Suluʼujee tia, talateerü paaʼin maaʼulu otta pütüjaajeerü saaʼu tü paaʼinrajatkat süpüla kepiain pia yaa mmapaʼa nuluwataapeena Maleiwa saaʼu, nnojotpa nutuma tü üttaakalü aaʼin (Salmo 37:29).
Eesüjaʼa kamalainjeerüle pümüin aashajeʼeraa tüü
AAPIRIA WAYUU
¿Jameerü sukuwaʼipa wayuu nuluwataapeena Maleiwa saaʼu tü Mmakat?
Nütüjaa aaʼu Jesuu niain neʼe Maleiwa eeka süpüla najaʼttirüin tü kasa mojusü müliakalü atuma wayuu. Naaʼinreerü Maleiwa tia sükajee tü Nuluwataayakat. ¿Kasa naaʼinrüitpaka Maleiwa sükajee tü Nuluwatayaakat?
¡EEJA WAAʼIN!
Ajaʼttireekat tü alerajaakat wayuu
Tü pienchisükat kasa naaʼinreetka Maleiwa nuluwataapa.
