¡EEJA WAAʼIN! Nuum. 1, 2022 | Keemasü maʼin mmapaʼakat, ¿kasa eeka süpüla paaʼinrüin?
Akooʼomüinraasü tü kasa mojusü weʼrakat mmapaʼa. Wainma maʼin na wayuu müliakana sutuma sukutkujaain mma jee süsetüin palaa otta sutuma tü kasachiki eekat sutuma wayuu. ¿Kasa paaʼinrajatka suulia shapaain maʼin paaʼin namaa na püpüshikana?
Keemasü maʼin mmapaʼakat, ¿kasa eeka süpüla paaʼinrüin?
Sülatüle pümüin wanee kasachiki püchajaamaata sukuwaʼipa süpüla paaʼinmajiraain namaa na wayuu aikana püpüla.
1 | Paaʼinmajiraa suulia ayuulin pia
Paaʼinmajiraale suulia ayuulin pia, katsüinjeerü paaʼin sülatapa kasa mojusü.
2 | Piisalaja pünneetse
Pütüjale eisalajaa pünneetse, eejiraajeechi pia sümaa tü maʼletseekat.
3 | Paaʼinmaja na wayuu aikana püpüla
Paashajeʼera waneirua kasa jalouijeetka pümüin süpüla paaʼinmajüin puʼwayuuse, paʼaleewainyuu jee püchonnii.
4 | Paaʼinmaa tü kasa anasü paʼatapajakat
Sutuma tü sümakat tü Bibliakat, eesü süpüla nnojoluin shapaain maʼin waaʼin otta waʼatapajüin kasa anasü mapeena.
Sünain rewiisütakat tüü
Paashajeʼera waneirua pütchi anaka maʼin jee amülialeetka paaʼin sümaa püpüshi süpüla anain jaaʼin soʼunnaa müliaa.
