Tápa kupe

Mitãrusukuéra pohayhuetéva:

Pe rréi Salomón oskrivi vaʼekue: “Nde nemitãva, edisfruta vaʼerã nemitã aja. Revyʼa vaʼerã nde pyʼaite guive upe tiémpope. Esegi pe tape ohechaukáva ndéve ne korasõ, ha eho umi lugár nde resa oipotahápe reho” (Eclesiastés 11:9). Nemitã aja ningo rehasáta heta mbaʼe iporã ha igustoitereíva, ha hiʼãiterei oréve edisfruta entéro koʼã mbaʼe. Péro romokyreʼỹse rejapo hag̃ua upéva ogustaháicha Jehovápe. Aníkena nderesarái haʼe ohechapaiteha opa mbaʼe rejapóva, ha enterovéva jajechataha hendive umívare. Upévare iñimportanteterei resegi ko konsého omeʼẽ vaʼekue rréi Salomón: “Nemitã aja nemanduʼa vaʼerã nde Apohare Ijojahaʼỹvare” (Eclesiastés 12:1).

Ore pyʼaite guive rojerure Jehovápe tanepytyvõ ko lívro rupive, ikatu hag̃uáicha ndepuʼaka umi tentasión ha pruéva oñepresentávare ndéve. Avei tanepytyvõ ikatu hag̃uáicha redesidi opa mbaʼe Ñandejára oipotaháicha. Rejapóramo upéicha, katuete rembovyʼáta Jehová korasõ (Proverbios 27:11).

Kuérpo Governánte de los testigos de Jehová