Ikatu oime nahániri, péro katuete rehechámane raʼe oĩha hénte ndochaʼeietéva ótrore. Umi notísiape ningo káda día ñahendu oñemaltrataha umi héntepe idiferénte rupi ipire kolór, ipaís, térã omosexuál haguére. Upéicha rupi umi goviérno ojapo ha oaprova umi léi ojekastiga hag̃ua umi hénte ojapóvape ivaíva hapicháre ndochaʼéiguinte hese.

Pe ódio amás día hetave, pórke umi hénte osufríva upéva káusare ou avei ndochaʼéi ótrore ha oñehaʼã voi oñevenga. Péicha rupi pe sentimiénto vai okakuaave ohóvo ha ijetuʼúma opa hag̃ua.

Ikatu oime oĩma raʼe algúno nemboykéva, oñembohorýva nderehe, ndetrata vaíva térã neamenasáva. Péro oĩ hénte ojapóva ivaivéva voi katu ndochaʼéigui hapicháre. Koʼã hénte sapyʼánte ou iviolénto, oporonupã, ojahéi hapicháre, oporoviola ha oporojuka voi.

Ko rrevísta ohechaukáta mbaʼépa ikatu jajapo ani hag̃ua jaiko ndajachaʼéi ñande rapicháre ha okontestáta ohóvo koʼã porandu:

• ¿Mbaʼérepa hetaite hénte ndochaʼevéi ojuehe?

• ¿Mbaʼépa ikatu jajapo ñandepuʼaka hag̃ua pe ódiore?

• ¿Ikatúpa algún día opaite pe ódio?