Ñamoĩ chupe rejuha nderasykatu ha rejoperámante vaʼerã. ¿Mbaʼépa rejapóne? Katuete ningo rehekáta peteĩ doktór ikatupyrýva ha ikatúva rejerovia hese. ¡Ipópe ningo oĩ hína nde rekove! Ha upearã iporãta reaveriguáramo mboy tiémporemapa ojapo pe operasión ha osẽ porãpa chupe.

Upéicha avei tekotevẽ reikuaa porã ne rrelihión. ¿Mbaʼérepa? Nde rekove ningo odepende hína upévare. Ne rrelihión nemoag̃uivéramo Ñandejárare, ikatu rejesalva.

¿Mbaʼéichapa ikatu jaikuaa iporãpa peteĩ rrelihión? Jesús heʼi vaʼekue: ‘Pe yvyramáta hiʼáre ojekuaa mbaʼeichaguápa’ (Lucas 6:44, BNP). Epensami peteĩ rrelihión rehe ha ehecha ojapópa koʼã mbaʼe: ¿ohechaukápa umi omoakãva upe rrelihión iplatapotaitereiha? ¿Mbaʼépa heʼi hikuái umi ohosévape gerrahápe? ¿Oikópa umi hénte upe rrelihionpegua la Biblia heʼiháicha? Rembohovái rire koʼã porandu, ¿oĩnepa peteĩ rrelihión ikatuha rejerovia? Jahechamína.