Jesús oikove jey rupi umi disípulo ojerovia mbareteve ha ikyreʼỹ. Por ehémplo, apóstol Pablo oviaha Asia Menor tuichakuére ha pe Mediterráneore omoñepyrũ hag̃ua heta kongregasión. Avei omombarete umi ermánope ikatu hag̃uáicha oaguanta ojepersegi jave ha akóinte hekopotĩ hag̃ua. Upéicha rupi heta hetave ohóvo opárupi umi ojeroviáva Jesús rehe.

Apóstol Páblope ojegueraha vaʼekue kárselpe, upéicharamo jepe upe lugár guive ohai heta kárta omokyreʼỹ ha oñemoñeʼẽ hag̃ua umi kongregasiónpe. Heʼi umi kristiánope oñatende hag̃ua oĩta rupi apóstata. Espíritu sánto rupive ohai voi oĩtaha “lóvo ñarõ” heʼítava japu “ogueraha hag̃ua hapykuéri umi disípulope” (Hechos 20:29, 30, NM).

Áño 100 rupi oñepyrũma oĩ umi apóstata. Ha upe tiémpo rupi, Jesús ohechauka visión rupive apóstol Juánpe mbaʼépa oikóta tenonderãme. Juan ohai haguéicha, ni umi oñemoĩva Ñandejárare ni umi mboʼehára japu ndaikatumoʼãi ojoko Ñandejárape okumpli hag̃ua hembipota yvyporakuérape g̃uarã. ‘Entéro tetã, trívu, puévlo ha umi oñeʼẽva opaichagua idiómape’ ohendúta pe notísia porã oñeʼẽva Ñandejára Rréinore (Revelación [Apocalipsis] 14:6, NM). Ko yvýgui oikóta peteĩ hardín neporãva, ha opavave ojaposéva Ñandejára rembipota oikóta pype opa árare.

¡Ajépa iporãite koʼã notísia! Upévare iporãta restudiave Ñandejára Ñeʼẽ, ha ehecha mbaʼéichapa upe reaprendéva ikatu ideprovécho ndéve koʼág̃ama voi ha avei tenonderãme.

Internétpe ikatu remoĩ www.mt1130.com/es ikatu hag̃uáicha relee la Biblia. Avei remoĩkuaa www.mt1130.com/gug rehecha hag̃ua koʼã folléto: La Biblia, mbaʼépa oikuaauka ñandéve? ha ¡Notísia porã oúva Ñandejáragui!, avei lívro heráva Mbaʼépa añetehápe omboʼe la Biblia? ha hetave puvlikasión omyesakãva mbaʼérepa jajeroviakuaa la Bíbliare ha mbaʼéichapa umi konsého oĩva pype ikatu ideprovécho ñandéve ha ñane famíliape. Oimérõ reikuaaseve Ñandejára Ñeʼẽ omboʼéva ikatu rejerure peteĩ testígo de Jehovápe nepytyvõ hag̃ua.

(Oñeguenohẽ koʼã lívrogui oĩva la Bíbliape: Hechos, Efesios, Filipenses, Colosenses, Filemón, 1 Juan ha Revelación [Apocalipsis].)