Briana, orekóva 15 áño heʼi: “Heta vésema añehaʼã alee la Biblia, péro legálmente ipuku devísioma chéve g̃uarã”.

 ¿Ndépa reñeñandu avei upéicha? ¡Entónse ko artíkulo ndéve g̃uarãite!

•  ¿Mbaʼérepa iñimportánte jalee la Biblia?

•  ¿Mbaʼéichapa relee vaʼerã la Biblia?

•  Mbaʼépa heʼi umi mitãrusu

 ¿Ndépa ere ijavurridoha jalee la Biblia? Heta oĩ opensáva avei upéicha, pórke la Biblia oreko voi mas de 1.000 páhina ha ndorekói ni divúho. Upévare, a lo mehór igustovéta ndéve rehecha téle térã vidéo Internétpe.

 Péro epensamína ko ehémplore: ñamoĩ chupe retopaha peteĩ vaúl ymaiterei guaréva orekóva hetaiterei tesóro, ¿ndereavrisemoʼãipa rekonsegi hag̃ua la oĩva pype?

 La Biblia ningo ojogua upe vaúlpe, pórke oreko hetaiterei tesóro ivaliosoitereíva nepytyvõtava nearandu hag̃ua. Por ehémplo, nepytyvõta koʼã mbaʼépe:

•   Edesidi porã hag̃ua.

•   Ejogueraha porãve hag̃ua nde tuakuérandi.

•   Ekonsegi hag̃ua umi amígo ikalidáva.

•   Ani hag̃ua rejepyʼapyeterei ni rejestresa.

 ¿Ikatúitipa peteĩ lívro ojeskrivi vaʼekue ymaitereíma ideprovécho koʼág̃a peve? ¡Si ikatu! Pórke “entéro mbaʼe oĩva Ñandejára Ñeʼẽme ou Ñandejáragui” (2 Timoteo 3:16). Upéva heʼise umi konsého oĩva la Bíbliape ouha pe persóna iñaranduvéva oĩvagui ko univérsope.

 Primero, ikatu relee kompletoite en órden. Upéva nepytyvõta ikatu hag̃uáicha hesakã porã ndéve mbaʼe mensáhe rehepa prinsipálmente oñeʼẽ la Biblia. Ikatu relee la Biblia de diferénte fórma, jahechamína mokõi ehémplo:

•    Ikatu relee umi 66 lívro oĩva la Bíbliape en órden Génesis guive Apocalipsis peve.

•    Ikatu relee la Biblia erekóvo enkuénta mbaʼe órdenpepa oiko vaʼekue umi mbaʼe oñemombeʼúva pype.

 Peteĩ konsého: Ehecha pe Informasión A7 oĩva Ñandejára Ñeʼẽ La Biblia Traducción del Nuevo Múndope, upépe retopáta en órden umi mbaʼe Jesús ohasa vaʼekue oĩrõ guare ko yvy ape ári.

 Segundo, ikatu avei reelehi relee hag̃ua peteĩ istória nepytyvõtava rembohovái hag̃ua umi provléma rehasáva. Por ehémplo:

•   ¿Reipotápa ne amigorã ikalidáva ha ikatúvare rejerovia? Eleemína Jonatán ha David istória (1 Samuel kapítulo 18-20). Eleepa rire, ehecha mbaʼe kualidápa oipytyvõ kuri Davídpe haʼe hag̃ua Jonatán amigoite.

•   ¿Ijetuʼúpa ndéve reaguanta hag̃ua umi tentasión? Eleemína pe istória omombeʼúva mbaʼéichapa José oaguanta vaʼekue peteĩ tentasión (Génesis kapítulo 39). Eleepa rire, ehecha mbaʼépa oipytyvõ kuri Josépe ogueropuʼaka hag̃ua upe tentasión.

•   ¿Reikuaasépa mbaʼéicha pe ñemboʼe ikatu nepytyvõ? Elee Nehemías istória (Nehemías kapítulo 1 ha 2). Eleepa rire, ehecha mbaʼéichapa Ñandejára ombohovái vaʼekue Nehemíaspe iñemboʼe, ha mbaʼéichapa omombarete avei chupe.

 Peteĩ konsého: Releéta jave la Biblia, eheka peteĩ lugár reimetahápe trankílo ikatu hag̃uáicha reñekonsentra porã.

 Tercero, ikatu avei reelehi peteĩ rreláto térã peteĩ Salmo relee hag̃ua, ha upéi epensa mbaʼéichapa upéva ikatu nepytyvõ. Eleepa rire, ikatu reñeporandu koʼã mbaʼe:

•    ¿Mbaʼére Jehová oskrivika ko párte la Bíbliape?

•    ¿Mbaʼépa chemboʼe Jehovágui ko rreláto?

•    ¿Mbaʼéichapa ikatu ajapo ko párte heʼíva?

 Peteĩ konsého: Eipuru pe “Prográma jalee hag̃ua la Biblia” oĩva ko sítiope, ha eanota arakaʼépa eñepyrũse nde lektúra.