Heta hénte oipuru pe kurusu ohechauka hag̃ua kristianoha, péro ore testígo de Jehová rojeroviáramo jepe Cristo rehe, ndoroipurúi pe kurusu roadora hag̃ua Ñandejárape. ¿Mbaʼérepa?

 La Biblia ohechauka porã Jesús nomanói hague peteĩ kurusu rehe, síno peteĩ yvyráre. Avei heʼi porã kristianokuérape: “Aníkena ni mbaʼevéicharõ pemombaʼeguasu ñandejára guaʼu”. Upéicharõ, naiporãi kristianokuéra oipuru kurusu oadora hag̃ua Ñandejárape (1 Corintios 10:14; 1 Juan 5:​21).

 Jesús heʼi vaʼekue: “Pejoayhúramo, enterove ohechakuaáta peẽ haʼeha che disípulo” (Juan 13:34, 35). Umi kristiáno tee ohechauka haʼeha Cristo remimboʼe ohayhúramo hapichápe, ndahaʼéi oipurúramo kurusu térã taʼanga.