KƆ’ƆN PIGERA!
Social Media Wan Ta’an Sa’am Ho Bia?—Baabule La N Wan Soŋɛ Dɔɣereba Se’em
“Puti’irɛ bã’a dela sɛla n paari bunbibilipaalesi ti la dɛna dɛŋa bɔ’ɔra ba. Social media me n laɣum ta’asɛ yele la.”—Dr. Vivek Murthy, U.S. surgeon general, New York Times, June 17, 2024.
Dɔɣereba wan eŋɛ la wani te’ele ba kɔma social media dɛŋa poan? Baabule la bo la ka’aŋɔ n wan ta’an soŋɛ dɔɣereba.
Dɔɣereba n wan ta’an eŋɛ sɛla
Bisɛ Baabule naresum yɛla wa.
“Se’em n yehegɛ ne magahɛ a behɛ mɛ.”—Magaha 14:15.
Social media wan ta’an sa’am ho bia la, bala da bisɛ ti la dela pɛregerɛ ti ho basɛ ti a kɛ̃’ɛra bim. Ge ti ho bo yɔ’ɔ ti ho bia la kɛ̃ social media poan la, bisɛ ti a dela se’em n tari yɛm n wan dɔla hon pa’alɛ en sansɛka ti la nara ti a kɛ̃’ɛra bim, kan bisera yeleyooro ge me kɔ’ɔn tara zɔsoma.
Ho san bɔta ti ho zamesɛ yɛla pa’asɛ, kaalɛ zaseŋɔ yɛla la zuo n de “Should My Child Use Social Media?” la “Teaching Your Teenager Social Media Safety.”
‘Tara ya saŋa la tuna soŋa soŋa.’—Epesus 5:16.
Ho san bo yɔ’ɔ ti ho bia kɛ̃’ɛra social media poan, basɛ ti a baŋɛ eŋa n wan bɔna bim ta paɛ se’em ma’a, yelese’a n nari ti a bisera, la bala n wan soŋɛ en se’em. Bisa ho bia la soŋa ti ho san nyɛ ti a halɛ tɛɛra, basɛ ti a sigese eŋa n kɛ̃’ɛri social media poan se’em la.
Dekɛ guleŋɔ vidiyodoma la zuo n de Mina Hon Wan Lɔɣesa Homea Se’em Intanɛt Tuuma Zɛ’an soŋɛ ho bia ti a bɔkɛ sɛla n sɔi ti la nara ti a sigese eŋa n kɛ̃’ɛri social media poan se’em la.
Zamesɛ Yɛla Pa’asɛ
Baabule la yeti to boi la sansɛka ti “la wan kpe’em bo nɛreba.” (2 Timoti 3:1-5) Ge la me bo to la ka’aŋɔ n wan soŋɛ tɔ ti to ta’an ŋmibera. Zaseŋɔ yɛla la zuo n de bunbilipaalesi puti’irɛ bã’a la, tari la Baabule yelesum n gaŋɛ 20 n wan soŋɛ dɔɣereba la ba kɔma.
Ho Me Ta'an Bɔta Yele Ana
TO YƐLA
Mam Boti La Ya Wa’ana
Sɔsɛ ya sɛla n boi Baabule la poan bii ho zamesɛ Yehowa Sɛɛradoma yɛla pa’asɛ.
