“Mam zɛkɛ nu’o bo ya tigere la nɛreba n tari pupeelum se’em tuna Naayinɛ na’am tuuma la. Ya ania itigɔ la ligeri ti ya laɣesɛ bo ya mabiisi Yehowa sɛɛradoma la gingilega poan nɛreba la nari ti to pɛɣɛ ya.”

Bala ti Kasim Reed n de kpɛ’ɛma Atlanta, Georgia teŋa, U.S.A  yele a gɔŋɔ la poan. Gɔŋɔ la tɔɣeri la Yehowa Sɛɛradoma laɣesekara atã ti ba yeti ba eŋɛ teŋa la poan yele.

Bala mea nɔɔ ti Atlanta City Council la basɛ ti nɛra woo baŋɛ saama la n ye laɣesegɔ wa na la yele. La yeti: “Yehowa Sɛɛradoma n de wuu nɛreba tusa tusa annii teŋgɔŋɔ wa za’a waabi la, ze’ele la tisi kɔbega la yetɔɣum buuri buuri poan ge . . . bala la za’a, ba tari la putiyinɛ . . . [Ya] boti la ya na’asa Yehowa, Naayinɛ mina n na’am sɛla woo ge gulesɛ Baabule la.”

Laɣesegɔ butã ti ba eŋɛ July la August 2014 poan, laɣesegɔ buyi dela solemiine ti buyima dɛna Spanish. Saama ze’ele la tisi n paɛ wuu 28 ge ti ba me lerege Solemiine yetɔɣum la lebe Russian la Japanese yetɔɣum poan la wan eŋɛ se’em ti mabiisi n tɔɣeri yetɔɣum buna wa me wum. Laɣesegɔ butã wa nɛreba za’a kalɛ daa dela 95,689.

Yuunɛ 2014 poan, Yehowa Sɛɛradoma eŋɛ sateŋa laɣesegɔ 24 tisi siwai poan dekɛ zɛ’ɛsi 16 United States poan pa’asɛ.