Salmu 132:1-18
Ohàn Mẹhe Hẹji Jei Tòdaho lọ mẹ lẹ Tọn.
132 Jehovah E, flin DavidiPo oyà he e ko ji lẹpo po;+
2 Lehe ewọ ko whlé hlan Jehovah do,Lehe e ko dopà na Omẹ Huhlọnnọ Jakọbu tọn do+ dọmọ:
3 “Yẹn ma na biọ gòhọ ṣie mẹ, yèdọ owhé ṣie gbè.+
Yẹn ma na mlọn adọzan ṣie ji, yèdọ akanma ṣie ji;
4 Yẹn ma na dike nukun ṣie lẹ ni damlọn,Kavi dike nukundama ṣie lẹ ni samlọngọ
5 Kaka yẹn nado dín otẹn de mọ na Jehovah,Yèdọ fininọ dagbe* de na Omẹ Huhlọnnọ Jakọbu tọn.”+
6 Pọ́n! Mí sè nuhe jọ to Eflata;+Mí ko sọ mọ ẹn to zungbo lọ mẹ.+
7 Mì gbọ mí ni biọ fininọ* etọn;+Mì gbọ mí ni dẹ́ do odò to tokloafọligbe etọn.+
8 Jehovah E, fọ́n bo wá gbọjẹtẹn towe,+Yèdọ hiẹ po Apotin huhlọn towe tọn po.+
9 Na yẹwhenọ towe lẹ ni ze dodowiwa do di awù,Podọ nugbonọ towe lẹ ni nọ yí ayajẹ do dawhá.
10 Na Davidi devizọnwatọ towe tọn wutu,A gbẹ́* mẹyiamisisadode towe dai blo.+
11 Jehovah ko whlé na Davidi;E họnwun dọ ewọ ma na diọlinlẹn gando ohó he e ko dọ lọ go dọmọ:
“Dopo to kúnkan towe* lẹ mẹWẹ yẹn na zedo ofìn towe ji.+
12 Eyin visunnu towe lẹ payi alẹnu ṣie goGọna nuflinmẹ ṣie lẹ he yẹn nọ na yé,+Visunnu yetọn lẹ lọsuNa sinai to ofìn towe ji kakadoi.”+
13 Na Jehovah ko de Ziọni;+Ewọ ko do ojlo hia nado yí i do basi fininọ etọn gbọn didọ dali dọmọ:+
14 “Ehe wẹ gbọjẹtẹn ṣie kakadoi;Fi wẹ yẹn na nọ nọ̀,+ na ojlo ṣie niyẹn.
15 Yẹn na yí núdùdù susugege do dona ẹn;Yẹn na nọ yí akla do hẹn wamọnọ etọn lẹ gọ́ho.+
16 Yẹn na yí whlẹngán ṣinyọ́n na yẹwhenọ etọn lẹ di avọ̀,+Nugbonọ etọn lẹ nasọ nọ yí ayajẹ do dawhá.+
17 Yẹn na hẹn huhlọn* Davidi tọn jideji to finẹ.
Yẹn ko wleawu miyọ́ngbán de tọn na mẹyiamisisadode ṣie.+
18 Yẹn na yí winyan ṣinyọ́n na kẹntọ etọn lẹ di avọ̀,+Ṣigba, jẹgbakun he to ota na ewọ na nọ sẹ́.”
Nudọnamẹ Odò Tọn
^ Kavi “gòhọtúntún gigonọ.”
^ Kavi “gòhọtúntún gigonọ.”
^ To paa mẹ, “lilẹ́ nukunmẹ.”
^ To paa mẹ, “sinsẹ́n adọ̀ towe mẹ tọn.”
^ To paa mẹ, “azò.”
