Isaia 63:1-19
63 Mẹnu die he ja sọn Edomi,+Bo do awù he to sisẹ́* lẹ ja sọn Bozla,+Mẹhe do avọ̀ whanpẹnọ,Bo to zọnlinzin to huhlọn daho etọn mẹ?
“Yẹn wẹ mẹlọ, yèdọ Mẹhe nọ dọho to dodowiwa mẹ,Mẹhe tindo huhlọn daho nado whlẹnmẹ gán.”
2 Naegbọn avọ̀ towe do divẹẹ,Podọ naegbọn awù towe lẹ do taidi mẹhe to ovẹn finyọ́n de tọn lẹ?+
3 “Yẹn dopo wẹ finyọ́n ovẹn to ovẹn-dò mẹ.
Mẹdepope ma wá gọna mi sọn gbẹtọ lẹ mẹ.
N’yí homẹgble do to lìlì yé mapote,Bosọ yí adi do to afọtùn yé ji.+
Ohùn yetọn ko kọnyin awù ṣie lẹ go,Bo ko sọ hẹn avọ̀ ṣie lẹpo kudiho.
4 Na azán ahọsuyi tọn to ahun ṣie mẹ,+Podọ owhe he mẹ omẹ ṣie lẹ na yin fifligọ te ko wá.
5 Yẹn pọ́n, ṣigba mẹdepope ma tin to finẹ he na gọalọ;E paṣa mi taun dọ mẹdepope ma wá nado gọalọ.
Enẹwutu, yẹn yí awà ṣie do hẹn whlẹngán* wá na dee,+Podọ adi ṣie wẹ whàn mi nado yinuwa.
6 N’yí homẹgble do tùnafọ gbẹtọ lẹ ji,Bo hẹn yé nado nù sọn adi ṣie mẹ+Bosọ kọ̀n ohùn yetọn yìn kọmẹ.”
7 Yẹn na nọ dọho gando nuyiwa owanyi nugbo tọn Jehovah tọn lẹ go,Yèdọ nuyiwa Jehovah tọn lẹ he jẹna pipà,Na nuhe Jehovah ko wà na mí lẹpo wutu,+Nudagbe susu he ewọ ko wà na owhé Islaeli tọn,Na lẹblanu etọn po owanyi nugbo daho etọn po wutu.
8 Na ewọ dọmọ: “E họnwun dọ omẹ ṣie lẹ wẹ yé yin, yèdọ visunnu he na yin nugbonọ* lẹ.”+
Enẹwutu, e lẹzun Mẹwhlẹngántọ yetọn.+
9 To ayimajai yetọn lẹpo whenu, e nọ hẹn ayimajai wá na ewọ lọsu.+
Wẹnsagun etọn titi* wẹ sọ whlẹn yé.+
Ewọ fli yé gọ̀, na owanyi po awuvẹmẹ etọn po wutu,+E sọ ze yé daga bo hẹn yé to azán hoho tọn lẹpo whenu.+
10 Ṣigba, yé ṣiatẹ+ bo hẹn homẹgble gbigbọ wiwe etọn.+
To whenẹnu, ewọ lẹzun kẹntọ yetọn,+Bo hoavùn sọta yé.+
11 Yé sọ flin azán hoho tọn lẹ,Yèdọ azán Mose devizọnwatọ etọn tọn lẹ dọmọ:
“Fie wẹ Mẹhe plan yé jẹgbonu sọn hùmẹ+ to pọmẹ hẹ lẹngbọhọtọ lẹngbọpa etọn tọn lẹ lọ te?+
Fie wẹ Mẹhe ze gbigbọ wiwe Etọn do ewọ mẹ lọ te,+
12 Yèdọ Mẹlọ he hẹn awà gigonọ Etọn nado yì hẹ adusilọ Mose tọn,+Mẹlọ he má osin lẹ do awe to nukọn yetọn+Nado basi oyín he na nọ aimẹ kakadoi de na ede,+
13 Mẹlọ he hẹn yé nado zinzọnlin gbọn agbówhẹn osin tọn* lẹ ṣẹnṣẹn,Bọ yé do zinzọnlin matin ahlidanu,Taidi osọ́ de to danji he to flala de?*
14 Kẹdẹdi kanlinpa de he jẹte yì dankló ji,Mọ wẹ gbigbọ Jehovah tọn hẹn yé nado gbọjẹ do.”+
Mọ wẹ hiẹ deanana omẹ towe lẹ do,Nado basi oyín gigonọ* de na dewe.+
15 Pọ́n odò hlan sọn olọn mẹ bo doayi e goSọn fininọ he yiaga towe, he yin wiwe podọ gigonọ.*
Fie wẹ zohunhun po huhlọn towe po te,Awuvẹmẹ towe he nọ whàn we*+ po lẹblanu towe po?+
Hiẹ ko tẹ̀ yé mi.
16 Na hiẹ wẹ Otọ́ mítọn;+Dile etlẹ yindọ Ablaham sọgan nọma yọ́n míBọ Islaeli sọgan nọma doayi mẹhe mí yin go,Hiẹ wẹ Otọ́ mítọn, Jehovah E.
Mẹflitọ mítọn sọn hohowhenu.+
17 Jehovah E, naegbọn hiẹ do jo mí do* nado danbú sọn aliho towe lẹ ji?
Naegbọn hiẹ do jo ahun mítọn do* nado sinyẹn, bọ mí ma do nọ dibusi we ba?+
Lẹkọwa, na devizọnwatọ towe lẹ tọn wutu,Yèdọ hẹnnu he yin ogú towe lẹ.+
18 Akọta wiwe towe dugu aigba lọ tọn na ojlẹ gli de.
Kẹntọ mítọn lẹ ko tùnafọ fiwiwe towe ji.+
19 Sọn ojlẹ dindẹn die gbọ́n wẹ míwlẹ ko wá taidi mẹhe ji hiẹ ma dugán do pọ́n,Taidi mẹhe ma ko yin yiylọ gbọn oyín towe dali pọ́n lẹ.
Nudọnamẹ Odò Tọn
^ Kavi vlavo, “awù vẹẹ yàn-àn.”
^ Kavi “awhàngbigba.”
^ Kavi “he ma na do yede hia nado yin lalonọ.”
^ Kavi “Angẹli he wá sọn nukọn etọn.”
^ Kavi “osin he siso tọn.”
^ Kavi “to danfafa ji?”
^ Kavi “whanpẹnọ.”
^ Kavi “whanpẹnọ.”
^ To paa mẹ, “Wuwlu awutugonu homẹ tọn towe lẹ tọn.”
^ Kavi “do hẹn mí.”
^ To paa mẹ, “do hẹn ahun mítọn.”
