1 | Odẹ̀—“Mì to Magbọjẹ Mìtọn Lẹpo Bẹ Dlan Ewọ Ji”
NUHE BIBLU DỌ: ‘Mì bẹ magbọjẹ mìtọn lẹpo dlan Jiwheyẹwhe ji, na e to mìtọn hòpọn wutu.’—1 PITA 5:7.
Nuhe E Zẹẹmẹdo
Jehovah Jiwheyẹwhe biọ dọ mí ni nọ dọho na emi gando agbàn pinpẹn depope he to ahun ji na mí lẹ go. (Salmu lẹ 55:22) Nuhahun de ma tin he sinyẹn kavi whè gbau bọ yè ma gán hodẹ̀ gandego. Eyin e to ahunmẹduna mí, be e to ahunmẹduna Jehovah lọsu ga. Onú titengbe he mí gán wà nado do jijọho to ayiha mẹ wẹ nado nọ hodẹ̀ hlan ẹn.—Filipinu lẹ 4:6, 7.
Lehe Ehe Gán Gọalọ Do
Whenue mí to pipehẹ nuhahun apọ̀nmẹ tọn, mí gán nọ lẹndọ mí ma do alọgọtọ depope. Mẹdevo lẹ ma nọ mọnukunnujẹ nuhe mẹ jugbọn mí te to gigọ́ mẹ to whelẹponu. (Howhinwhẹn lẹ 14:10) Amọ́, eyin mí dọ lehe e nọ ṣí na mí na Jiwheyẹwhe to odẹ̀ mẹ, ewọ na dotoaina mí po awuvẹmẹ po bosọ mọnukunnujẹ ninọmẹ mítọn mẹ. Jehovah nọ mọ mí, e yọ́n awufiẹsa po nuhahun mítọn lẹ po, bosọ nọ jlo dọ mí ni hodẹ̀ hlan emi gando nudepope he to magbọjẹ do na mí go.—2 Otànnugbo lẹ 6:29, 30.
Eyin mí nọ dọhona Jehovah to odẹ̀ mẹ, enẹ nọ hẹn mí kudeji dogọ dọ ewọ nọ hò mítọn pọ́n. Mí gán do numọtolanmẹ dopolọ hẹ salmu-kantọ lọ he hodẹ̀ dọmọ: “Hiẹ ko mọ yajiji ṣie; hiẹ yọ́n ayimajai ahun ṣie mẹ tọn.” (Salmu lẹ 31:7) Nado yọnẹn poun dọ Jehovah lọsu nọ sè vivẹ́ na nuhe pehẹ mí te wutu nọ gọalọna mí nado jugbọn ojlẹ sinsinyẹn lẹ mẹ. Amọ́, e ma nọ doayi awufiẹsa mítọn lẹ go poun. E nọ mọnukunnujẹ nuhe mẹ jugbọn mí te hugan mẹdevo depope, bosọ nọ gọalọna mí nado mọ homẹmimiọn po tulinamẹ po to Biblu mẹ.
A Gán Sọ Pọ́n Hosọ Ehelẹ
ATỌ̀HỌ̀-NUHIHỌ́ LỌ TỌN
Etẹwẹ A Gán Wà Na Jiwheyẹwhe Nido Nọ Sè Odẹ̀ Towe?
A gán hodẹ̀ daga kavi hodẹ̀ do homẹ to fidepope podọ to gàn depope mẹ. Jesu tlẹ plọn mí nue mí gán nọ dọ.
ZẸẸMẸ WEFỌ BIBLU TỌN LẸ TỌN
Zẹẹmẹ Isaiah 41:10 Tọn—“A dibu blo; Na Yẹn Tin po Hiẹ Po”
Jehovah yí hodidọ atọ̀n delẹ zan he na jidide sinsẹ̀n-basitọ nugbo etọn lẹ gando godonọnamẹ etọn go.
NUPLỌNMẸ TANGAN BIBLU TỌN LẸ
Be Jiwheyẹwhe Nọ Sè Odẹ̀ Lẹpo Wẹ Ya?
Eyin ṣejannabi wẹ nọ sisẹ́ mẹde nado hodẹ̀ lo? Bọ eyin mẹde ylanhùn do asi ẹ go bo wá hodẹ̀ dọ Jiwheyẹwhe ni dona emi lo?
KANBIỌ HE JỌJA LẸ NỌ KANSE
Naegbọn N’Dona Nọ Hodẹ̀?
Be dẹ̀hiho nọ gọalọnamẹ nado vò sọn ayiha mẹ poun wẹ ya, kavi e sọ nọ wà humọ?
ATỌ̀HỌ̀-NUHIHỌ́ LỌ TỌN
Be Jiwheyẹwhe Nọ Sè Odẹ̀ Mítọn lẹ Ya?
Biblu dohia dọ Jiwheyẹwhe nọ sè odẹ̀ mítọn lẹ eyin mí hodẹ̀ dile ewọ jlo do.
YỌ́N MÍ DOGỌ
Biọ Dọ Kunnudetọ de Ni Wá Dla We Pọ́n
Dọhodo kanbiọ sinai do Biblu ji de ji, kavi plọnnu dogọ gando Kunnudetọ Jehovah tọn lẹ go.
