Aihọn de He to Bẹwlu Mẹ—Lehe E Gán Pà We Do
Be e nọ di na we dọ nuhahun he gbọn kámẹ-gòmẹ to ogbẹ̀ lọ mẹ lẹ to dindan we taun wẹ ya? Vlavo dopo to nuhe bọdego lẹ mẹ sin yaji wẹ a te to fie a nọ nọ̀:
awhàn
azọ̀nylankan
aigba sisọsisọ kavi onú mọnkọ lẹ
ohẹ́n
nuvẹun
danuwiwa
Mẹsusu wẹ masọ nọ do todido depope ba bo nọ blawu to whenue adán daho gbò yé. E nọ yinuwado mẹdelẹ ji sọmọ bọ yé masọ nọ do ayajẹ paali. Amọ́, to whenue mẹhe adán gbò nọ ninọmẹ mọnkọ mẹ na ojlẹ dindẹn, nulẹ nọ vantan.
To adángbòmẹ whenu, nuyọnẹnnu wẹ e yin dọ a ni yinuwa po adọgbigbo po bo basi hihọ́na mẹvivẹ towe lẹ, agbasalilo towe, azọ́n towe, po ayajẹ towe po.
Etẹlẹ wẹ a gán wà bọ nuhahun he gbọn kámẹ-gòmẹ lẹ ma na hẹnnugble to gowe zẹjlẹgo?
