FỌ́N! Sọha 1 2024 | Be Sisi Gbẹ́ Tin to Ogbẹ̀ lọ mẹ Ya?
Gbẹtọ lẹ masọ nọ símẹ sọmọ ba. Enẹwutu, e nọ paṣamẹ eyin yè mọ bọ mẹde símẹ.
Di apajlẹ, mẹlẹ ma nọ na sisi kaka de yenọzo ba, mọ yé masọ nọ si mẹjitọ yetọn lẹ po mẹhomẹ lẹ po, kakajẹ ponọ lẹ, azọ́ngán lẹ po mẹplọntọ lẹ po ji. Podọ mẹlẹ nọ zan hogbe mẹmasi tọn lẹ taun to Intẹnẹt ji. Linlinwe de dọ dọ mẹmasi “fọ́n bo to jijideji taun.” Linlinwe lọ yidogọ dọ mẹlẹ ko to “linlin na gandego din, e ma pọ́.”—Harvard Business Review.
Sisi Nina Mẹdevo Lẹ
Pọ́n nuhewutu sisi nina mẹdevo lẹ do yin nujọnu po nuhe a gán wà nado nọ na sisi mẹdevo lẹ po.
Sisi Nina Ogbẹ̀
Pọ́n nue Biblu dọ do lehe mí gán nọ na sisi ogbẹ̀ mídetiti po mẹdevo lẹ tọn po do ji.
Sisi to Whẹndo Mẹ
Whẹndo dopodopo wẹ gán do ayajẹ dogọ eyin hagbẹ whẹndo lọ tọn lẹ nọ na sisi yenọzo.
Sisi Nina Mẹdetiti
Biblu gán gọalọna mẹlẹ nado do owì to ota bo hẹn gbẹzan yetọn pọnte. Ehe nọ yidogọna sisi he yé nọ na yede.
Be Sisi Gbẹ́ Tin to Ogbẹ̀ lọ mẹ Ya?
Hia hosọ he dọhodo sisi ji lẹ po nuhe Kunnudetọ Jehovah tọn lẹ to wiwà to ogbẹ̀ lọ bi mẹ nado gọalọna mẹlẹ nado nọ namẹ sisi to lẹdo yetọn lẹ mẹ po.
