Bi niba boncianla naa go caa a jaandiena nni kelima baa go baadi mi gobidima bi dandanli po, leni i baagi ba. Beepo ke ti ba gedi Jeova Siedinba taana nni? Yi baa ba bee ñoadi?

Yi baa ba ki taani leni yaa niba n todi biyaba, ki go bua bi lieba ŋamu. Cicili kilisiti niba den pia a nitaana. Bi den taandi leni biyaba ki kpiagidi U Tienu, ki bangi biibili yeni, ki go paagi bi yaba pala. (Hebilunba 10:24, 25) Li den tie pamanli kaanu, yua kuli den bua yaali n ŋani o lielo po. Bi yaa den taani leni biyaba li den tie nani bi ye leni bi danlinba leni bi dandanli kpiiba. (Tesaloniki Tilieli 1:3; Jan Titaali 14) Ti baadi laa pamanli buolu kelima ti ŋua bi bontogidikaaŋanli.

Yi baa bandi yin ba ŋoadi biibili ñoamabona maanma. Nani kpiama U Tienu nibuoli ya den ba taani, bi jaba, bi puoba leni a bila kuli yen taani, ti moko taandi yeni. Leni biibili todima, jaba yaaba n pia mi yanfuoma wangi-ti tin baa ŋoadi U Tienu ñoabona maanma ti yema nni daali kuli. (Mi Tiadima 31:12; Nehemi 8:8) Ti taana nni, ti taagi ki yiini i yani. Booli tiama yogunu yua kuli baa fidi yugidi o nu ki maadi o dandanli leni o suginma po.​—⁠Hebilunba 10:23.

Yi baa ba li papaali yi dandanli po. O tondo Polo den yedi o yogunu nitaanli yendo ke: “n bua hali bonŋanla ki le yi, . . . n yaa cua yikani, tikuli n baa li papaali, kelima mini leni yinba n taani ki pia yaa dandanli po”. (Loma Yaaba 1:11, 12) Tin taandi leni ti dandanlieba yeni ti paagi tiyaba pala ki ŋua kilisiti nilo yema n tie yaala.

Moandi-mani ki cua ti taana po, ke yi ba bandi ke li tie yene. Laa pia panpaani ba, bu miabu ki ye ba.

• Tin taandi leni tiyaba yeni, ti ŋua ŋmenbe yaa bontogidikaali?

• Ti yaa taandi leni yaba, bee ñoadi ke ti baa ba?