HAʻAWINA 6
He Aha ka Manaʻolana no ka Poʻe Make?
1. He aha ka nū hou maikaʻi no ka poʻe make?
I ko Iesū hōʻea ʻana i Betania i Ierusalema, ua make kona hoaloha, ʻo Lazaro, no ʻehā lā. Ua hele ʻo Iesū i kahi i waiho ʻia ai kona kino me Mareta a me Maria, nā kaikuāhine o ke kāne make. ʻEmo ʻole, a ʻākoakoa mai ka poʻe. Hiki paha iā ʻoe ke noʻonoʻo aʻe i ka hauʻoli o Mareta a me Maria i ko Iesū hoʻāla hou ʻana iā Lazaro?—E heluhelu iā Ioane 11:21-24, 38-44.
Ua ʻike nō ʻo Mareta i ka nū hou maikaʻi no ka poʻe make. Ua ʻike ʻo ia, e hoʻāla hou ana ʻo Iēhova i ka poʻe make e ola hou ma ka honua.—E heluhelu iā Ioba 14:14, 15.
2. He aha ke kūlana o ka poʻe make?
Ua haʻi ke Akua iā ʻAdamu: “He lepo nō ʻoe, a e hoʻi hou aku ʻoe i ka lepo.”—KINOHI 3:19.
Ua hana ke Akua iā kākou mai ka lepo. (Kinohi 2:7; 3:19) ʻAʻole kākou he mau ʻuhane. He mau kānaka nō kākou, no laila ʻaʻole ola mau kekahi mahele o kākou ma hope o ka make ʻana. Ke make kākou, make pū nō ko kākou lolo, a pēlā pū nō hoʻi me ko kākou noʻonoʻo ʻana. No laila, ʻaʻohe o Lazaro moʻolelo ʻike maka no kona make ʻana, no ka mea, ʻaʻohe hana a ka poʻe make.—E heluhelu iā Halelū 146:4; Ke Kahuna 9:5, 6, 10.
Hana ʻino paha ke Akua i ka poʻe make me ke ahi ma hope o ka make ʻana? ʻŌlelo mai ka Paipala, ʻaʻohe hana a ka poʻe make. No laila, hewa loa ke aʻo ʻana no ka lua ahi. He hoʻopailua nō iā ia ka manaʻo no ka hana ʻino ʻana i ka poʻe me ke ahi.—E heluhelu iā Ieremia 7:31.
E nānā i ka wikiō He Aha ke Kūlana o ka Poʻe Make?
3. Hiki i ka poʻe make ke ʻōlelo iā kākou?
ʻAʻole hiki i ka poʻe make ke ʻōlelo a lohe. (Halelū 115:17) Akā, ʻino kekahi mau ʻānela, no laila ʻōlelo paha lākou i ka poʻe, a hoʻomeamea, he mau kānaka lākou i make. (2 Petero 2:4) Pāpā ʻo Iēhova i ka huli ʻana i ka poʻe make.—E heluhelu iā Kānāwai Lua 18:10, 11.
4. ʻO wai nā mea e hoʻāla hou ʻia ana?
E hoʻi ana nā miliona ma ka hē i ke ola ma ka honua. E hoʻāla hou ʻia ana kekahi poʻe i ʻike ʻole i ke Akua, a i hana hewa nō hoʻi.—E heluhelu iā Luka 23:43; ʻOihana 24:15.
E aʻo mai ana nā mea hoʻāla hou ʻia i ka ʻoiaʻiʻo no ke Akua, a me ke ʻano manaʻoʻiʻo ai iā Iesū ma o ka hoʻolohe ʻana iā ia. (Hōʻike ʻana 20:11-13) ʻO ka poʻe i hoʻāla hou ʻia, a hana pono. ʻO lākou ana ka poʻe e ola mau loa ma ka honua nei.—E heluhelu iā Ioane 5:28, 29.
5. He aha kā kākou e aʻo mai ai no Iēhova mai ke ala hou ʻana?
Ua hāʻawi mai ʻo Iēhova i ka manaʻolana no ka poʻe make ma o ka hoʻouna ʻana mai i kāna keiki e make no kākou. No laila, haʻi mai ke ala hou ʻana iā kākou no ke aloha a me ka lokomaikaʻi o Iēhova. Ke hoʻi hou ka poʻe make i ke ola, makemake ʻoe e ʻike iā wai?—E heluhelu iā Ioane 3:16; Roma 6:23.
