doosra shamooel 8:1-18
8 kuch samay baad daavid ne palishtiyon+ ko hara diya aur unhein apne adheen kar liya+ aur unke haath se metag-ammah naam ki jagah le li.
2 daavid ne moabiyon ko bhi hara diya+ aur unke sainikon ko zameen par kataar mein letne ko kaha. fir usne naapne ki dori se kataar naapi taaki do dori-bhar sainikon ko maar daala jaaye aur ek dori-bhar sainikon ko zinda chhod diya jaaye.+ iske baad moabee log daavid ke sevak ban gaye aur use nazrana dene lage.+
3 daavid ne soba ke raja hadad-ejer ko hara diya jo rahob ka beta tha.+ jab hadad-ejer farat nadi tak ke ilake ko vaapas apne adhikar mein karne jaa raha tha, tab daavid ne use hara diya.+
4 daavid ne hadad-ejer ke 1,700 ghudsavaaron aur 20,000 paidal sainikon ko pakad liya. iske baad daavid ne uske rathon ke 100 ghodon ko chhod baaki sab ghodon ki ghutnas kaat di.+
5 jab damishk ke rehnevale seeriyai log+ soba ke raja hadad-ejer ki madad karne aaye to daavid ne 22,000 seeriyai logon ko maar daala.+
6 fir daavid ne damishk ke seeriyai logon ke ilake mein sainikon ki chaukiyaan banayin aur woh daavid ke sevak ban gaye aur use nazrana dene lage. daavid jahaan kahin gaya yahova ne use jeet dilayi.*+
7 itna hi nahin, daavid ne hadad-ejer ke sevkon se sone ki golakar dhaalein le lin aur yarooshalem le aaya.+
8 raja daavid, hadad-ejer ke shehar betah aur barautai se bahot saara taamba bhi le aaya.
9 jab hamat+ ke raja toi ne suna ki daavid ne hadad-ejer ki poori sena ko hara diya hai,+
10 to usne apne bete yoram ko raja daavid ke paas bheja taaki woh daavid ki khairiyat poochhe aur use mubarakbad de ki usne hadad-ejer ko hara diya. (toi ne aisa isliye kiya kyonki hadad-ejer ne kai baar usse yuddh kiya tha.) yoram apne saath sone, chaandi aur tambe ki cheezen laaya tha.
11 raja daavid ne ye saari cheezen yahova ke liye pavitra thehrayin, theek jaise usne doosre raashtron ko harakar unke yahaan se laaya sona-chaandi pavitra thehraya tha,+
12 yaani seeriya aur moab,+ ammoniyon, palishtiyon,+ amalekiyon+ se laaya sona-chaandi aur soba ke raja hadad-ejer se (jo rahob ka beta tha) laaya loot ka maal.+
13 daavid ne namak ghaati mein 18,000 edomiyon ko bhi maar giraya jisse uska aur bhi bada naam hua.+
14 usne edom mein sainikon ki chaukiyaan banayin. usne poore edom mein sainikon ki chaukiyaan banayin aur sabhi edomi log daavid ke sevak ban gaye.+ daavid jahaan kahin gaya, yahova ne use jeet dilayi.*+
15 daavid poore israel par raaj karta tha.+ woh apni saari praja ke liye nyay aur neki karta tha.+
16 sarooyah ka beta yoab+ daavid ki sena ka senapati tha aur aheelood ka beta yahoshapat+ shaahi itihaskar tha.
17 aheetoob ka beta saadok+ aur abiyatar ka beta aheemelek yaajak the aur sarayah raaj-sachiv tha.
18 yahoyada ka beta banayah,+ kareti aur paleti logon+ ka adhikari tha. aur daavid ke bete khaas mantri* bane.
