bhajan 139:1-24
daavid ka sureela geet. nirdeshak ke liye hidayat.
139 hey yahova, toone mujhe jaancha hai,tu mujhe jaanta hai.+
2 tu mera uthna-baithna jaanta hai,+
tu mere vicharon ko door se hi jaan leta hai.+
3 main chahe chaloon ya letoon, tu mujh par gaur karta hai,tu mere poore chaalchalan se vaakif hai.+
4 isse pehale ki meri jeebh ek bhi shabd kahe,hey yahova, tu jaan leta hai.+
5 tu mujhe aage aur peechhe se ghere rehta hai,tu apna haath mujh par rakhta hai.
6 tu mujhe kitni baareeki se jaanta hai,yah samajhna mere bas ke baahar hai.*
yah meri pahunch se baahar hai.*+
7 main teri pavitra shakti se bachkar kahaan jaa sakta hoon?tere saamne se bhaagkar kahaan jaa sakta hoon?+
8 agar main oopar aakash par chadh jaaun, to tu vahaan rahega,agar main apna bistar neeche kabraa mein lagaun, to tu vahaan bhi rahega.+
9 agar main bhor ke pankh lagakar ud jaaunki jaakaar door samundar ke paas bas jaaun,
10 to vahaan bhi tu apne haath se meri aguvai karega,tera daayaan haath mujhe thaam lega.+
11 agar main kahoon, “beshak, andhera mujhe chhipa lega!”
to mere chaaron or raat ka andhera ujala ho jaayega.
12 andhera tere liye andhera nahin hoga,raat ka andhera tere liye din ki tez raushni jaisa hoga,+andhera tere liye ujale ke barbar hai.+
13 toone mere gurde banaye,toone mujhe maa ki kokh mein aad di.*+
14 main teri taareef karta hoon kyonki toone mujhe laajavab tareeke se banaya hai,+yah dekhkar main vismay se bhar jaata hoon.
tere kaam bejod hain,+ yah main achhi tarah jaanta hoon.
15 jab mujhe gupt mein banaya jaa raha tha,mujhe maano dharti ki gehraiyon mein buna jaa raha tha,tab meri haddiyaan tujhse chhipi na thi.+
16 teri aankhon ne mujhe tabhi dekha tha jab main bas ek bhroon tha,isse pehale ki uske saare ang bante,unke baare mein teri kitab mein likha thaki kab unki rachna hogi.
17 isliye tere vichar mere liye kya hi anmol hain!+
hey parmeshvar, tere vichar anginat hain!+
18 agar main unhein ginne ki koshish karoon, to woh baaloo ke kinkon se zyada honge.+
jab main jaag uthta hoon, tab bhi tere sang hota hoon.*+
19 hey parmeshvar, kaash tu dushton ko maar daalta!+
tab woh khoonkhar aadmi* mujhse door chale jaate,
20 jo bure irade se* tere khilaf baatein karte hain.
woh tere bairi hain jo tere naam ka galat istemal karte hain.+
21 hey yahova, kya main unse nafrat nahin karta jo tujhse nafrat karte hain?+kya main unse ghin nahin karta jo tujhse bagavat karte hain?+
22 mere dil mein unke liye bas nafrat hai,+woh mere kattar dushman ban gaye hain.
23 hey parmeshvar, mujhe jaanch aur mere dil ko jaan.+
mujhe parakh aur mere man ki chintaon* ko jaan le.+
24 dekh ki mujhmein kuch aisa to nahin jo mujhe buri raah par le jaaye,+mujhe us raah par le chal+ jo sada kaayam rahegi.
kai footnote
^ ya “yah mere liye bahot hairani ki baat hai.”
^ ya “yah main jaan bhi nahin sakta.”
^ ya shaayad, “mein buna.”
^ ya shaayad, “tab bhi unhein gin raha hota.”
^ ya “khoon ke doshi aadmi.”
^ ya “apne hi khayal se.”
^ ya “aur pareshan karnevale vicharon.”
