yashayah 46:1-13
46 bel devta jhuk gaya,+ nabo neecha kiya gaya,
unki moortein jaanvaron par, bojh dhonevale jaanvaron par aisi ladi hain,+jaise thake huye jaanvaron par dher saara saaman lada ho.
2 bel aur nabo jhuk gaye hain, unhein neecha kiya gaya hai,unka saaman* jaa raha hai, par woh use nahin bacha sakte,na hi khud ko bandhuai mein jaane se rok sakte hain.
3 “hey yakub ke gharane, hey israel ke gharane ke bache huo,+ meri suno!main tumhein garbh se sambhaale huye hoon, tumhare janm se tumhein uthaye huye hoon.+
4 tumhare budhape mein bhi main nahin badloonga,+chahe tumhare baal pak jaayen main tumhein uthaye rahoonga,
tumhein liye firoonga, tumhein sambhaloonga aur bachaunga,jaisa mainne ab tak kiya hai.+
5 tum kisse meri tulna karoge ya kise mere barbar thehraoge?+kiske baare mein kahoge ki woh mere jaisa hai?+
6 aise log hain jo thaili se sona nikaal-nikaalkar dete hainaur tarazoo par chaandi taulte hain.
woh sunar ko kaam par lagate hain aur sunar usse devta ki ek moorat banata hai,+fir woh us moorat ke aage dandvat karte hain, uski pooja karte hain.+
7 use kandhon par uthate hain+aur le jaakaar uski jagah par use khada kar dete hain.
woh vahin khadi rehti hai, apni jagah se hilti tak nahin.+
woh uske aage gidgidate hain par woh koi javab nahin deti,woh kisi ko uske dukhon se nahin chhuda sakti.+
8 hey apradhiyo, un baaton ko yaad karo,
unhein apne man mein bitha lo ki tum himmat se kaam le sako,
9 beeti baatein yaad karo,jaan lo ki main parmeshvar hoon, mere siva aur koi nahin.
main hi parmeshvar hoon, mere jaisa aur koi nahin.+
10 ant mein kya hoga yah main shuroo mein hi bata deta hoonaur jo baatein ab tak nahin huin, unhein bahot pehale se bata deta hoon.+
main kehta hoon, ‘mainne jo tay* kiya hai woh hokar hi rahega+aur main apni marzee zaroor poori karoonga.’+
11 main poorab se ek shikari pakshi ko bula raha hoon,+door desh se ek aadmi ko bula raha hoon, jo mere maksad* ko anjam dega.+
mainne hi yah kaha hai aur use poora bhi karoonga,mainne hi yah thaana hai aur use karke rahoonga.+
12 hey man ke dheeth logo, meri suno!tum jo neki ki raah se koson door ho, suno!
13 bahot jald main apni neki dikhaunga,woh din door nahin.
main uddhaar karne mein der na karoonga,+main siyyon ko uddhaar dilaunga, israel ko apne vaibhav se bhar doonga.”+
kai footnote
^ yaani jaanvaron par ladi moortein.
^ ya “maksad; faisla.”
^ ya “mainne jo tay kiya hai; faisla.”
