yashayah 49:1-26
49 hey dveepo, meri suno,hey door-door ke raashtro, meri baat par dhyan do.+
mere paida hone se pehale* hi yahova ne mujhe bulaya,+jab main apni maa ke pet mein hi tha, usne mera naam bataya.
2 usne mere munh ko tez dhaarvali talvar banaya,apne haath ki chhaaya mein mujhe chhipaya,+
mujhe chamchamata teer banayaaur apne tarkash mein mehfooz rakha.
3 usne mujhse kaha, “hey israel, tu mera sevak hai,+tere zariye main apni mahima dikhaunga.”+
4 lekin mainne kaha, “meri mehnat ka koi faayda nahin hua,mainne bekar hi apni taakat lagayi.
magar yahova mera nyay karega,mera parmeshvar hi meri mehnat ka fal* dega.”+
5 aur ab yahova ne, jisne mujhe garbh se hi apna sevak hone ke liye racha,mujhe yah aadesh diya hai ki main yakub ko vaapas uske paas laauntaaki israel uske saamne ikattha ho sake.+
main yahova ki nazron mein uncha kiya jaaunga,mera parmeshvar meri taakat banega.
6 usne kaha, “mainne tujhe sirf yakub ke gotron ko bahaal karne,israel ke bache huon ko vaapas laane ke liye apna sevak nahin thehraya,balki raashtron ke liye raushni bhi thehraya hai+ki uddhaar ka mera sandesh prithvi ke chhor tak fail sake.”+
7 log jisse ghin karte hain,+ raashtra jisse nafrat karte hain aur jo shaaskon ka sevak hai, usse israel ka chhudanevala aur uska pavitra parmeshvar yahova+ kehta hai,
“raja tujhe dekhkar uth khade hongeaur haakim tere aage jhukeinge,woh yahova ke kaaran aisa kareinge jo vishvasyogya parmeshvar hai,+israel ke pavitra parmeshvar ke kaaran aisa kareinge, jisne tujhe chuna hai.”+
8 yahova kehta hai,
“manzoori paane ke vakt mainne teri suni aur tujhe javab diya,+uddhaar ke din teri madad ki.+
main teri hifazat karta raha ki tu mere aur logon ke beech karar thahre,+desh ko dobara basaye,mere logon ko unki virasat ki zameen vaapas dilaye, jo ujaad padi hai,+
9 kaidiyon se kahe, ‘baahar aao!’+
aur andhkar mein pade logon+ se kahe, ‘ujale mein aao!’
maarg ke kinare woh khaayenge,aane-jaanevale raaston* ke kinare unke charagah honge.
10 woh bhookhe-pyase nahin raheinge,+na chilchilati dhoop, na tapti garmi unhein jhulsayegi.+
kyonki unki aguvai karnevala un par daya karega+aur unhein paani ke soton ke paas le chalega.+
11 main apne saare pahadon ko samtal raasta bana doongaaur apne raajmargon ko uncha karoonga.+
12 dekho, woh door-door se aa rahe hain,+kuch uttar se, kuch pashchim se,to kuch sineem desh se aa rahe hain.”+
13 hey aakash, jayjaykar kar! hey prithvi, magan ho!+
hey pahado, khushi se chillao,+kyonki yahova ne apne logon ko dilasa diya hai,+apne dukhi logon par usne daya ki hai.+
14 magar siyyon baar-baar kehti hai,
“yahova ne mujhe chhod diya hai,+ yahova mujhe bhool gaya hai.”+
15 kya aisa ho sakta hai ki ek maa apne doodh-peete bachche ko bhool jaaye?
apne bachche par taras na khaaye jo uski kokh se paida hua?
agar woh bhool bhi jaaye, to bhi main tujhe kabhi nahin bhooloonga.+
16 dekh! mainne apni hatheli par tera naam khudvaya hai,
teri sheharpanah har pal mere saamne hai.
17 tere bete furti se laut rahe hain.
jin logon ne tujhe dhaa diya tha, tabah kar diya tha woh tere yahaan se chale jaayenge.
18 apni aankhein utha aur chaaron taraf nazar dauda,dekh! woh sab ek-saath ikattha ho rahe hain,+ tere paas aa rahe hain.
yahova ailan karta hai, “main apne jeevan ki shapath khaakaar kehta hoon,tu un sabko gehne ki tarah pehan legi,dulhan ki tarah unse apna singar karegi.
19 teri jo jagah ujaad aur sunsan padi thi, tera jo desh khandhar pada tha,+ab vahaan rehnevalon ke liye jagah kam pad jaayegi.+aur jinhonne tujhe nigal liya tha+ woh tujhse door kiye jaayenge.+
20 tere bachchon ke marne ke baad jo bete paida huye, woh tere saamne kaheinge,
‘yah jagah hamare liye kam pad rahi hai,hamare liye aur jagah banao.’+
21 tu apne man mein kahegi,‘ye kiske bachche hain jo mujhe diye gaye hain?
main to beaulad aur baanjh thi,mujhe kaidi banakar bandhuai mein le gaye the.
kisne inhein paala?+
main to akeli reh gayi thi,+fir ye sab kahaan se aaye?’”+
22 saare jahan ka maalik yahova kehta hai,
“dekh, main apne haath se raashtron ko ishara karoonga,apna jhanda khada karoonga ki desh-desh ke log use dekh sakein.+
tab woh tere beton ko god mein uthakar laayenge,teri betiyonn ko kandhon par bithakar laayenge.+
23 raja teri seva kareinge,+unki raaniyaan teri dhaai hongi.
woh zameen par girkar tujhe pranam kareinge,+tere pairon ki dhool chaateinge.+
tab tu jaan legi ki main yahova hoon,jo mujh par aas lagate hain woh kabhi sharminda nahin honge.”+
24 kya shoorveer ke haath se uske kaidi chheene jaa sakte hain?kya taanashah ke kabze mein pade bandi chhudaye jaa sakte hain?
25 magar yahova kehta hai,
“shoorveer ke haath se uske kaidi chheen liye jaayenge,+taanashah ke kabze mein pade bandi bhi chhuda liye jaayenge.+
jo tere khilaf uthte hain, main unke khilaf uthoonga+aur tere beton ko bacha loonga.
26 jo tere saath badsalooki karte hain main unhein unhin ka maans khilaunga,meethi daakh-madira ki tarah woh apna hi khoon peekar dhutt ho jaayenge.
tab sab logon ko jaanna hoga ki main yahova hoon,+jo tera bachanevala+ aur tera chhudanevala hai,+jo yakub ka shaktishali parmeshvar hai.”+
