yashayah 52:1-15
52 jaag siyyon jaag! apni taakat juta+ aur uth!+
hey pavitra nagri yarooshalem, apne sundar kapde pehan le!+
kyonki ab se koi khatnarahit aur ashuddh insan tujhmein daakhil na hoga.+
2 hey yarooshalem, khadi ho! dhool jhaad aur yahaan oopar aakaar baith.
hey gulami mein padi siyyon ki beti, apne gale ke bandhan khol de.+
3 yahova kehta hai,
“tum log bina keemat ke beche gaye+aur ab bina keemat ke chhudaye bhi jaaoge.”+
4 saare jahan ka maalik yahova kehta hai,
“pehale mere log misra gaye ki vahaan pardesi bankar rahein,+fir ashshoor ne bevajah un par zulm dhaaya.”
5 yahova kehta hai, “ab jab mere logon ko bina keemat kebandi bana liya gaya hai, to main kya karoon?”
yahova kehta hai, “un par raaj karnevale apni jeet par dingein maar rahe hain,+woh din-bhar mere naam ki badnami kar rahe hain.+
6 isliye mere logon ko mera naam jaanna hoga,+
haan, us din woh jaan leinge ki jo unse baat kar raha hai, woh main hi hoon.”
7 pahadon par uske paanv kitne sundar hain jo khushkhabri laata hai,+shaanti ka paigam sunata hai,+achhi baaton ki khushkhabri laata hai,uddhaar ka sandesh sunata hai,jo siyyon se kehta hai, “tera parmeshvar raja ban gaya hai.”+
8 sun! tere pehredar khushi se chilla rahe hain,
saath milkar jayjaykar kar rahe hain,kyonki woh saaf dekh sakte hain ki yahova siyyon ko vaapas laa raha hai.
9 hey yarooshalem ke khandharo,+ khushi se jhoomo, milkar jayjaykar karo!kyonki yahova ne apne logon ko dilasa diya hai,+ usne yarooshalem ko chhudaya hai.+
10 sab raashtron ke saamne yahova ne apna pavitra baazoo dikhaya,+prithvi ke kone-kone tak log woh uddhaar dekheinge jo hamara parmeshvar dilata hai.*+
11 door ho jaao, usse door ho jaao!
vahaan se nikaal aao,+ kisi bhi ashuddh cheez ko mat chhuo!+
hey yahova ke bartanon ko uthanevalo,+usmein se nikaal aao+ aur khud ko shuddh banaye rakho.
12 tumhein vahaan se ghabrakar nahin nikaalna hoga,na hi tumhein vahaan se bhaagna padega,kyonki yahova tumhare aage-aage jaayega,+israel ka parmeshvar tumhari raksha ke liye peechhe-peechhe chalega.+
13 dekho, mera sevak+ androoni samajh se kaam lega,
use unche par uthaya jaayega,use uncha aur mahan kiya jaayega.+
14 jis tarah use dekhkar bahot-se log dang reh gaye the,kyonki uska roop itna bigda hua tha jitna kisi aadmi ka nahin bigda,uski shaan itni ghat gayi thi jitni kisi ki nahin ghati thi,
15 usi tarah raashtra use dekhkar dang reh jaayenge,+
raja uske saamne khaamosh khade raheinge,*+kyonki woh aisi baat dekheinge jo unhein nahin batayi gayi thi,aisi baat par dhyan deinge jo unhonne nahin suni thi.+
