Sang Hunyo 30, 2024, naglabay ang Category 3 nga Bagyo Beryl sa south sang Martinique, sa West Indies. Pagkasunod nga adlaw, nagbaskog pa gid ini kag nangin Category 4 nga bagyo kag nag-landfall sa Windward Islands. Sakop sini ang Barbados, Grenada, kag Saint Vincent and the Grenadines. Pagkasunod nga adlaw, nagwaswas pa gid ini sa Venezuela bilang Category 5 nga bagyo. Dayon nag-agi ang Bagyo Beryl sa baybayon sang southern Jamaica. Sang Hulyo 5, gin-igo sining mabaskog nga bagyo ang Yucatán Peninsula sa Mexico antes ini nagwaswas sa southern United States.

Nagdala ang bagyo sang mabaskog nga ulan kag hangin nga naglab-ot sa 270 ka kilometro kada oras nga nagguba sang mga balay, negosyo, bilding, linya sang kuryente, taytay, kag mga karsada. Pila ka milyon ka tawo nga nagaistar sa apektado nga mga lugar ang wala gihapon sang kuryente, tubig, kag iban pa nga mga kinahanglanon. Ginapakita sang mga report nga sobra 30 ka tawo ang napatay.

Martinique (West Indies)

• Wala sang napatay ukon nasamaran sa aton mga kauturan

• 6 ka kauturan ang nagbakwit

• 1 ka balay ang nawasak

• 1 ka balay ang may daku nga guba

• 1 ka balay ang may gamay nga guba

• Wala sang Kingdom Hall nga naguba ukon nawasak

Windward Islands

• Wala sang napatay sa aton mga kauturan

• 7 ka kauturan ang nasamaran

• 67 ka kauturan ang nagbakwit

• 39 ka balay ang may daku nga guba

• 31 ka balay ang may gamay nga guba

• 1 ka Kingdom Hall ang nawasak

• 1 ka Kingdom Hall ang may daku nga guba

• 4 ka Kingdom Hall ang may gamay nga guba

Venezuela

• Wala sang napatay ukon nasamaran sa aton mga kauturan

• 30 ka kauturan ang nagbakwit

• 12 ka balay ang may daku nga guba

• 9 ka balay ang may gamay nga guba

• 1 ka Kingdom Hall ang may daku nga guba

Jamaica

• Wala sang napatay ukon nasamaran sa aton mga kauturan

• 18 ka kauturan ang nagbakwit

• 24 ka balay ang may daku nga guba

• 75 ka balay ang may gamay nga guba

• 19 ka Kingdom Hall ang may gamay nga guba

Mexico

• Wala sang napatay ukon nasamaran sa aton mga kauturan

• 320 ka kauturan ang nagbakwit pero nakabalik na sila sa ila mga balay

• 11 ka balay ang may gamay nga guba

• Wala sang Kingdom Hall nga naguba ukon nawasak

United States

• Wala sang napatay sa aton mga kauturan

• 6 ka kauturan ang nasamaran

• 242 ka kauturan ang nagbakwit

• 4 ka balay ang nawasak

• 33 ka balay ang may daku nga guba

• 471 ka balay ang may gamay nga guba

• Wala sang Kingdom Hall nga naguba ukon nawasak

Ang mga manugtatap sang sirkito kag ang mga gulang nagahatag sang paumpaw halin sa Biblia kag sang praktikal nga bulig sa mga kauturan nga nagaistar sa apektado nga mga lugar. Dugang pa, may gin-asayn nga anom ka Disaster Relief Committee para magdumala sang pagbulig.

Ginapangamuyo naton nga padayon nga paumpawan ni Jehova ang tanan nga nagasalig sa iya sa sining mabudlay nga tion.—2 Corinto 1:3, 4.