Gindesinyo Bala Ini?

Ang Papilit sang Tuko

▪ Natingala ang mga sientipiko sa kinaadman sang tuko nga magtapik sa mahining nga dingding ukon kisame nga wala nagakahulog bisan magduludalagan pa! Paano ini mahimo sang tumalagsahon nga tuko?

Ang Biblia nagasiling nga ang tuko “nagapanguyapot paagi sa iya mga kamot.” (Hulubaton 30:28, NW) Matuod gid man nga ang mga tiil sang tuko daw kaangay sang mga kamot, kag nagakubot gihapon ini sa mahining nga dingding ukon kisame bisan pa magduludalagan sing madasig ang tuko. Ang tagsa sini ka tudlo may mga magagmay nga yuhob-yuhob nga may linibo ka nagaulbo nga mga daw balahibo. Ang kada balahibo ginahuman pa gid sing ginatos kag tuman ka gagmay nga mga filament. Ang puersa sa tunga sang mga molekula (nga ginatawag nga van der Waals forces) nga naghalin sa sini nga mga filament amo ang makadala sang kabug-aton sang tuko bisan pa magduludalagan ini pasaka-panaug sa kristal nga dingding ukon kisame!

Luyag sang mga manugpanalawsaw nga makahimo sing papilit nga kaangay sa mga tiil sang tuko nga sarang makatapik sa mahining nga mga butang. * Mahimo ini magamit sa “nanuhaytuhay nga pamaagi sa pagbulong,” siling sang magasin nga Science News, “gikan sa mga bendahe nga nagatapik gihapon bisan basa tubtob sa mga plaster sa baylo sang tahi sa mga pilas.”

Sa tapos sining malip-ot nga pagbinagbinag, ano ang ginahunahuna mo? Nagtuhaw lang bala ang papilit sang tuko? Ukon gindesinyo ini?

[Nota]

[Retrato sa pahina 26]

Ang idalom nga bahin sang tuko

[Retrato sa pahina 26]

Tuman ka gagmay nga mga balahibo sa tiil sang tuko

[Credit Lines sang retrato sa pahina 26]

Gecko: Breck P. Kent; close-up: © Susumu Nishinaga/​Photo Researchers, Inc.