Ang Biblia—Ngaa Dapat Mo Mahibaluan ang Mensahe Sini?

● Sa bug-os nga kasaysayan, ang Biblia amo ang pinakalapnag nga libro nga ginpanagtag, kag importante ini para sa madamo nga tawo. Diri ginatungtong sang isa ang iya kamot kon magpanumpa sia sa korte kag kon magbaton sang isa ka posisyon sa gobierno. Ang ihibalo halin sa Biblia amo ang pinakaimportante nga edukasyon nga mabaton sang isa ka tawo.

Magaugyon gid ang kalabanan nga mangin mas maayo ang kalibutan kon madamo pa nga tawo ang magabasa kag magasunod sa ginasiling sang Biblia. Ang brosyur nga Ang Biblia—Ano ang Mensahe Sini? nga may 32 ka pahina kag may matahom nga mga piktyur, mahimo makabulig sa imo nga matun-an ang ginatudlo sang Biblia. Ginapakita sang una nga duha ka seksion sini kon paano naghimo ang Manunuga sing paraiso para sa mga tawo kag kon paano ini nadula. Ginasugid naman sang masunod nga mga seksion ang parte sa mga tawo sang una nga gingamit sang Dios sa pag-aman sang Manuggahom sang iya Ginharian, ukon gobierno nga magapasag-uli sang Paraiso diri sa duta.

Mabasa man sa masunod nga mga seksion ang kabuhi, ministeryo, mga milagro, kamatayon, kag pagkabanhaw sang gintangdo sang Dios nga Manuggahom, si Jesucristo. Sa apat ka katapusan nga seksion, ginsaysay sing malip-ot ang ministeryo, pagtuo sa pihak sang kabudlayan, kag mga sinulatan sang mga sumulunod ni Jesus sang unang siglo. Mapabakod ka sang seksion nga “Ang Duta Mangin Paraiso!” upod sa matahom nga mga piktyur sang hingapusan nga pahina nga may tig-ulo, “Ang Mensahe sang Biblia—Sumaryo.”

Mahimo ka makapangabay sing kopya sini nga brosyur paagi sa pagsulat sa kupon sa ubos kag ipadala ini sa adres nga makita sa kupon ukon sa adres nga nalista sa pahina 5 sini nga magasin.

□ Interesado ako nga makabaton sing kopya sang brosyur nga ginapakita diri.

□ Palihug kontaka ako para sa wala bayad nga pagtuon sa Biblia