“Magpabilin nga Suod kay Jehova!”

Distrito nga Kombension sang mga Saksi ni Jehova

● Sobra isa ka gatos sa sining tatlo ka adlaw nga kombension ang hiwaton sa Pilipinas sugod sa Oktubre 22-24, 2010. Ginhiwat man ini sa bug-os nga kalibutan sang nagligad lang nga binulan. Sa Pilipinas, magasugod ang sesyon sa Biernes kag Sabado sa 8:20 sa aga paagi sa musika (8:50 sa aga sa Domingo). Ang tema sa Biernes nga “Maayo sa Akon nga Magpalapit sa Dios,” nabase Salmo 73:28. Pagkatapos sang pamulongpulong sang tsirman, magasunod ang mga pamulongpulong nga “Ang mga Kombension Nagabulig sa Aton nga Magpabilin nga Suod kay Jehova” kag “Luyag sang Anak nga Ipahayag Sia.” Dayon binagbinagon sang simposium nga “Iluga ang mga Naghupot sang Suod nga Kaangtanan kay Jehova” kon paano ini nahimo nanday Abraham, Rut, Ezequias kag Maria. Ang programa sa aga matapos paagi sa keynote address nga “Kon Paano Nagapakigsuod si Jehova sa Aton.”

Ang una nga bahin sa Biernes sang hapon amo ang “Mga Sabat sa mga Pamangkot Parte kay Jehova,” nga pagasundan sang mga pamulongpulong nga “Magpadihon sa Disiplina ni Jehova” kag “Indi Maakig kay Jehova.” Ang masunod amo ang lima ka bahin nga simposium nga “Ang Komunikasyon Magabulig sa mga Pamilya nga Magpabilin nga Suod kay Jehova.” Ini nga mga bahin ginatig-uluhan “Si Jehova ang Dakung Huwaran sa Pagpakigkomunikar,” “Mga Bana, Makigkomunikar sa Inyo Asawa!,” “Mga Asawa, Makigkomunikar sa Inyo Bana!,” “Mga Ginikanan, Makigkomunikar sa Inyo Mga Kabataan!,” “Mga Kabataan, Makigkomunikar sa Inyo mga Ginikanan!” Ang sesyon sa hapon matapos sa bahin nga “Ang mga Tinuga Nagapahayag sa ‘Buhi nga Dios’!”

Ang tema sa Sabado nga “Ang Iya Pagpakig-abyan Upud sa mga Matadlong,” nabase sa Hulubaton 3:32. Ang lima ka bahin nga simposium nga “Buligi ang mga Tawo nga ‘Makapasag-uli sa Dios’” magalakip sang mga tema nga “Nahamulag kag Wala sing Paglaum,” “Ginpamangkot Niya Sila,” “Tumana ang Imo Papel Subong Kabulig nga Ebanghelisador,” “Dauga Sila Paagi sa Maayong Paggawi,” kag “Makugi nga Nagapadayon sa Inyo mga Panikasog.” Pagkatapos sang mga pamulongpulong nga “Ang Bug-os Tion nga Pag-alagad Nagapabakod sang Inyo Kaangtanan kay Jehova” kag “‘Wala sing Kahigayunan sa Pagkasandad’ ang mga Nagahigugma kay Jehova,” ang sesyon matapos paagi sa pamulongpulong para sa bawtismo. Dayon pagabawtismuhan ang mga kalipikado sa bawtismo.

Ang programa sa Sabado sang hapon magaumpisa sa walo ka bahin nga simposium nga “Indi Pagtuguti nga may Magpahilayo sa Imo kay Jehova”—“Ang Tuso nga mga Panikasog ni Satanas,” “Bugal,” “Kuarta,” “Ikaayong Lawas,” “Karera,” “Kalingawan,” “Pamilya,” kag “Teknolohiya.” Pagasundan ini sang pinasahi nga presentasyon nga “Indi Mapunaw kon Ginatadlong ni Jehova!” Matapos ang Sabado nga sesyon sa pamulongpulong nga “Magpabilin nga Suod kay Jehova, Kaangay sang Ginhimo ni Jeremias.”

Ang tema sa Domingo nga “Magtapik sa GINOO” nabase sa Josue 23:8. Pagkatapos sang ambahanon kag pangamuyo, binagbinagon sang simposium nga “Pag-apresyar sa Kinaiya ni Jehova” ang walo sa sining mga kinaiya—“Madali Palapitan,” “Mahinuklugon,” “Mainapresyahon,” “Maalwan,” “Walay Pinasulabi,” “Mapinatawaron,” “Makatarunganon,” kag “Mainunungon.” Sundan ini sang pamulongpulong publiko nga “Paano Ka Mangin Suod sa Dios?” Ang sumaryo sa Ang Lalantawan amo ang katapusan nga bahin sa aga.

Ang pinasahi nga bahin sa Domingo sang hapon amo ang de-kostyum nga drama. Parte ini sa pagpalagyo sang mga Cristiano halin sa Jerusalem sang unang siglo nga may tig-ulo nga “Maglakat Paagi sa Pagtuo Indi sa Panulok.” Pagkatapos sang drama, ang katapusan nga bahin sang kombension amo ang pamulongpulong nga “Magpabilin ‘sa Tagong Duug sang Labing Mataas.’”

Magplano na nga daan para makatambong ka. Para mahibaluan mo ang pinakamalapit nga kombension sa inyo, mamangkot sa Kingdom Hall sang mga Saksi ni Jehova sa inyo lugar ukon magsulat sa mga manugbalhag sini nga magasin. Makita mo sa Web site nga www.mt1130.com ang mga kombension nga hiwaton sa Pilipinas.