Ang Kaalam ni Hari Solomon

● Ginpamangkot sang maestra ang mga estudyante sa Grade 4 kon ano ang nahibaluan nila parte kay Hari Solomon nga ginsambit sang Biblia. Nagsabat ang nuebe anyos nga si Sheena nga tama sia kaalam nga hari kag ginsugid kon paano ginsolbar ni Solomon ang problema sang duha ka nanay nga nagaagaway sa isa ka bata. Kinulbaan gid ang iya mga klasmeyt sang nabatian kon paano ini ginsolbar ni Solomon. Pero nagsiling ang maestra nga maayo gid ato nga solusyon.

Ginsugid ni Sheena nga natun-an niya ini sa Ang Akon Libro Sang mga Sugilanon sa Biblia, isa ka libro nga nagalakip sang istorya parte sa kaalam ni Solomon. “Anom sa iya mga klasmeyt ang interesado nga makabaton sing Sugilanon sa Biblia nga libro,” paathag ni Sheena, kag nagsiling pa gid sia: “Nangayo man ang akon maestra. Gani, pito tanan ka kopya ang akon nahatag.”

Makapangabay ka sing isa ka kopya sang Ang Akon Libro Sang mga Sugilanon sa Biblia, nga may 116 ka istorya parte sa mga tawo kag hitabo sa Biblia. Palihug, sulati ang kupon sa ubos kag ipadala ini sa nagakaigo nga adres nga makita sa kupon ukon sa adres nga nalista sa pahina 5 sini nga magasin.

□ Interesado ako nga makabaton sing kopya sang libro nga ginapakita diri.

□ Palihug kontaka ako para sa wala bayad nga pagtuon sa Biblia sa puluy-an.