GINDESINYO BALA INI?
Ang Kapilit sang Lawa sang Tagbalay
ANG tagbalay ukon balaynon nga damang sa Amerika (Parasteatoda tepidariorum) nagapagua sang lawa nga mapilit kon sa dingding pero indi tanto kapilit kon sa duta, amo nga madakop sini ang iya kalan-on nga nagakamang. Paano makahimo ang damang sini nga sahi sang lawa?
Scaffolding silk
Binagbinaga: Ginapapilit sang damang ang iya lawa sa dingding, kisame, ukon sa iban pa nga duog paagi sa paghimo sang tuman kapilit nga tumpok sang lawa nga ginatawag scaffolding disc, nga indi mahukas bisan bungguan sang nagalupad niya nga kalan-on. Pero nadiskobrehan sang mga researcher sa University of Akron, sa Ohio, U.S.A., nga ang lawa nga yara sa duta nga ginatawag gumfoot disc, tuhay gid sing desinyo ukon pagkahuman. Bangod pila lang ka lawa ang nagatapik sa duta sa gumfoot disc kon ikumparar sa scaffolding disc, mahapos ini mahukas kon maagyan sang iya kalan-on.
Gumfoot silk
Suno sa isa ka report halin sa University of Akron, ang mga researcher nga nakadiskobre sining makatilingala nga lawa “nagadesinyo sang inugpapilit nga gin-ilog sa desinyo nga makita sa lawa sang tagbalay.” Nagalaum ang mga sientipiko nga makahimo sila sang inugpapilit nga puede magamit subong ordinaryo nga bendahe kag sa pagkay-o sang nabali nga tul-an.
Ano sa banta mo? Ang ikasarang bala sang tagbalay nga makahimo sang lawa nga lainlain ang kapilit resulta sang ebolusyon? Ukon gindesinyo ini?
Basi Manamian Ka Man
MAGMATA!
Ang Korte sang mga Pakinhason
Ang korte kag ang desinyo sang alukaba nagaamlig sa pakinhason sa sulod sini.
MAGMATA!
Ang Masiri nga Kolor sang Pollia Berry
Wala sing blue nga kolor ang bahin sang bunga sini nga berry, pero amo ini ang may pinakamasiri nga kolor nga blue nga makita sa tanom. Ano ang sekreto sang masiri nga kolor sini?
MAGMATA!
Ang Balahibo sang Sea Otter
Ang pila ka mamalya nga nagaistar sa tubig may madamol nga sapay para indi sila matugnawan. Pero lain ang paagi sang sea otter.
MAGMATA!
Ang Estratehiya sang Putyukan sa Paghugpa
Ngaa maayo gid nga gamiton ini nga estratehiya sa program nga nagagiya sa mga robot nga nagalupad?
MAGMATA!
Ang Panagang sa Init sang Saharan Silver Ant
Ini nga insekto amo ang isa sa mga sapat nga makasarang sa grabe nga init. Ngaa masarangan sini ang grabe nga kainit?
MAGMATA!
Ang Lanotlanot sang Tahong
Ang mga tahong nagaangot paagi sa mga lanotlanot. Ang paghibalo kon paano nila ini ginahimo makabulig para makadiskobre sing bag-o kag mas maayo nga paagi sa pag-angot sang mga kagamitan sa mga bilding, ukon sang lanitlanit sa mga tul-an.
