Indi. Regular kami nga nagawali sa mga balay, pero wala kami nagapati nga maluwas kami paagi sa pagwali. (Efeso 2:8) Ngaa?

 Hunahunaa: Pananglitan may isa ka mabuot nga tawo nga nagpromisa nga mahatag sing malahalon nga regalo sa mga tawo nga makadto sa isa ka lugar sa gintalana niya nga petsa. Kon nagapati ka sa ginpromisa sini nga tawo, indi bala nga sundon mo ang iya instruksion? Siempre! Mahimo gani nga isugid mo pa ini sa imo mga abyan kag paryente para makabaton man sila sini nga regalo. Pero ang matuod, makabaton ka sini nga regalo indi bangod nagsunod ka sa instruksion, kundi tungod gusto sang tawo nga regaluhan ka.

 Sing kaanggid, ang mga Saksi ni Jehova nagatuo sa promisa sang Dios nga kabuhi nga walay katapusan sa tanan nga nagatuman sa iya. (Roma 6:23) Ginatinguhaan namon nga isugid sa iban ang amon ginapatihan, kay gusto namon nga mabaton man nila ang promisa sang Dios. Pero wala kami nagapati nga maluwas kami bangod sa amon pagwali. (Roma 1:17; 3:28) Ang matuod, tanan kita wala sing mahimo para mabaton ining pinasahi nga pagpakamaayo sang Dios. “Ginluwas niya kita indi tungod sa aton maayo nga mga binuhatan, kundi tungod sa iya kaluoy sa aton.”—Tito 3:5, Ang Pulong sang Dios, APD.