Phau Ntawv Sau Puag Thaum Ub Pab Tau Peb
Tibneeg coob leej hais tias phau Vajlugkub yog ib phau ntawv dawb huv. Tsis tas li ntawd xwb, tseem qhia seb peb yuav teev tiam Vajtswv li cas. Phau Vajlugkub kuj pab tau peb lub neej niaj hnub nimno.
Cov uas tau nyeem thiab coj raws li phau Vajlugkub qhia, hais tias yeej pab tau lawv lub neej tiag.
“Kuv lub neej zoo dua qub. Kuv xav qhov zoo xwb thiab muaj lub siab tus. Kuv kaj siab ua neej lawm.”—Fiona.
“Vim kuv kawm Vajlugkub, kuv lub neej thiaj muaj hauv paus hauv ntsis.”—Nikos (Gnitko).
“Kuv lub neej tamsim no zoo dua yav tas los. Kuv tsis tshua ua haujlwm ntau lawm, kuv thiaj muaj sijhawm nrog kuv tsev neeg.”—Anru (Andrew).
Muaj coob leej tau xav li 3 tug hais no. Tibneeg nyob thoob plaws ntiajteb pom tias phau Vajlugkub pab tau lawv lub neej txhua hnub.
Phau Vajlugkub pab . . .
Kev noj qab haus huv
Tswj lub siab thiab txojkev xav
Tsev neeg thiab cov phoojywg
Kev siv nyiaj txiag
Kev sib raug zoo nrog Vajtswv
Thaum nyeem mus ntxiv, peb yuav pom tias phau Vajlugkub tsis yog ib phau ntawv uas los ntawm Vajtswv los xwb tiamsis yuav pab tau peb lub neej txhua hnub.
