Phau Vajlugkub muaj tej ntsiab lus zoo heev, uas pab tsav tswvyim rau tibneeg, xwv lawv thiaj paub ua neej. Tiamsis tej tswvyim ntawd yog leejtwg lub? Phau Vajlugkub hais tias: “Vajtswv Txojlus txhua zaj puavleej yog Vajtswv tshoov neeg lub siab kom neeg sau.” (2 Timautes 3:16) Muaj pov thawj ntau yam qhia tias yeej muaj tseeb li ntawd. Xws li nram no:

•   Tsis muaj ib tug twg tshawb pom tias phau Vajlugkub cov nyom tej keeb kwm li.

•   Cov neeg uas Vajtswv tshoov sau phau Vajlugkub yeej tsis zais siab, lawv qhia qhov zoo qhov phem huvsi. Vim lawv qhia siab li ntawd, peb yeej ntseeg tau tias lawv yuav tsis muab qhov tseeb npog li.

•   Lub ntsiab hauv phau Vajlugkub yog txhawb nqa Vajtswv txojkev kav thiab Vajtswv lub Nceeg Vaj saum ntuj ceeb tsheej uas yuav ua kom txhua yam muaj tiav raws li nws lub ntsiab.

•   Txheej thaud, tibneeg qhia ntau yam tswvyim txog lub ntiajteb no, tiamsis nimno tej tub txawg tub ntse mam tshawb pom tias feem ntau tsis muaj li lawv ntseeg ntawd. Tiamsis tej uas phau Vajlugkub qhia ntsig txog lub ntiajteb ntau txhiab xyoo yav tas los, puavleej muaj tseeb huvsi.

•   Tej lus faj lem hauv phau Vajlugkub yeej tsis poob ib los li, txhua zaj muaj tiav huvsi.