Tanobada ibounai lalonai gavamani momo idia ura taunimanima be physical distancing taravatu idia atoa bona pablik ai hebou karana idia koua. Iehova ena Witnes Taudia be edia hebou idia karaia neganai, mai ura ida unai hakaua daladia idia badinaia. Unai idia karaia totona, kongrigeisen hebou be vidio Konfrens app, hegeregere Zoom, amo idia karaia.

 Unai dala ai heduru ita abia totona, Hakaua Oreana be dala ia karaia kongrigeisen be kontribiusen moni amo Zoom account ena davana idia karaia. Unai ese kongrigeisen haida ia durua bada, badina vidio konfrens account ena davana be K52 eiava K70 bamona ($15-$20). Kongrigeisen haida be davana lasi app ma haida idia gaukaralaia, to nega momo unai app idia gaukaralaia taudia edia namba be momo lasi bona app ena security settings be lasi. To hari, Orea ena Zoom account idia gaukaralaia kongrigeisen ibounai be heduru bada idia abia, badina security settings idia gaukaralaia bona taunimanima momo be hebou ta ta ai idia vareai diba. Hari, tano 170 lalonai kongrigeisen 65,000 be unai account idia gaukaralaia.

 North Sulawesi, Manado, Indonesia ai, Kairagi Kongrigeisen be davana lasi vidio konfrens app ma haida idia gaukaralaia lasi, to hari Orea ena Zoom account idia gaukaralaia. Tadikaka Hadi Santoso ia gwau: “Ena be tadikaka bona taihu momo be elektronik gaudia gaukaralaia dalana idia diba lasi, to hari mai moalelaia ida idia hebou diba, badina hebou totona log in momo idia karaia lasi.”

 Guayaquil, Ecuador ai, Guayacanes Oeste Kongrigeisen ena elda ta, Lester Jijón, Jr ia gwau: “Tadikaka bona taihu momo be moni dalanai idia hegeregere lasi Zoom ena laisens idia hoia bona kongrigeisen ena hebou idia karaia totona. To hari, orea ena Zoom account dainai, hebou ai momo idia vareai diba, danu haida ai boiria mai moale ida hebou ai idia vareai totona.”

 Lusaka, Zambia, Ngwerere North Kongrigeisen ai, elda ta, Johnson Mwanza ia gwau: “Tadikaka bona taihu momo be nega momo idia gwau, ‘Orea ese ia gaukaralaia Zoom hebouna dainai, ai mamia emai tadikaka bona taihu kahirakahira ai noho, danu, ai mamia Iehova ese ai ia lalokau henia bona laloa bada.”’

 Orea ese ia gaukaralaia Zoom account be disasta relief totona idia haboua moni amo idia hoia. Unai bamona heduru be tanobada ibounai volantia kontribiusen amo idia abia. Kontribiusen momo be donate.mt1130.com. amo idia siaia. Umui ai tanikiu henia bada, mai moale ida umui henia kontribiusen dainai, unai kontribiusen ese tanobada ibounai lalonai disasta relief gaukara ma haida ia durua danu.​—2 Korinto 8:14.