GIMA KOHORONA No. 1 2020 | Diba Maorona Oi Tahua
Baibel ese mauri ai mai anina bada henanadai edia haere maorodia ia henia.
Diba Maorona Oi Tahua
Taunimanima be ta ta idia abidadama henia lasi bona infomeisen momo be koikoi, to oi badinaia diba dala ta ia noho mauri ai idia vara mai anina bada henanadai edia haere momokani oi davaria totona.
Baibel—Diba Maorona Ena Badina
Baibel oi abidadama henia diba badina ena hereva ibounai be momokani.
Diba Maorona Oi Abia Dirava Bona Iesu Totona
Iehova Dirava bona Iesu Keriso edia idau be edena bamona?
Diba Maorona Oi Abia Dirava Ena Basileia Totona
Baibel ese Dirava ena Basileia ena King, ma danu ena gabu, badina, lohia taudia, bona Basileia henunai do idia noho taudia ia herevalaia.
Diba Maorona Oi Abia Vaira Negana Totona
Dirava ese tanobada bona tanobada do idia noholaia taudia totona gau namodia ia gwauhamatalaia ena helaro laloa bada.
Diba Maorona Abia Ena Namo
Dirava ena Hereva amo oi abia diba maorona ese namo ia havaraia.
