Sòm 147:1-20
147 Louwe Ja*!Li bon pou nou chante louwanj* pou Bondye nou an.Ala sa bèl e ala sa bon pou nou louwe l+!
2 Jewova ap rebati Jerizalèm+.Li rasanble moun ann Izrayèl ki te gaye pasipala yo+.
3 Li geri moun kè yo ap fann yo.Li bande blese yo genyen yo.
4 Li konte kantite zetwal ki genyen,Li rele yo tout nan non yo+.
5 Seyè nou an estrawòdinè e li gen anpil pisans+.Bon konprann li pa gen limit+.
6 Jewova leve moun ki gen imilite yo+,Men, li frape mechan yo atè.
7 Chante pou Jewova pou nou di l mèsi.Chante louwanj pou Bondye nou an pandan n ap jwe hap*,
8 Chante pou Sila a ki fè syèl la chaje ak nyaj,Sila a ki fè lapli tonbe sou tè a+,Sila a ki fè zèb pouse+ sou mòn yo.
9 Li bay bèt yo manje+.Li bay ti kaw yo manje lè yo rele pou yo mande manje+.
10 Li pa pran plezi nan fòs cheval yo genyen+,Ni sa pa enpresyone l lè yon moun+ gen janm ki solid.
11 Jewova pran plezi nan moun ki gen lakrentif pou li+ yo,Nan moun k ap tann pou l demontre lanmou fidèl+ li genyen an.
12 O Jerizalèm, bay Jewova glwa.O Siyon, fè louwanj pou Bondye w la.
13 Li fè travès ki nan pòtay vil ou a solid.Li beni pitit ou yo nan mitan w.
14 Li fè gen lapè nan tèritwa kote w ye a+.Li ba w pi bon kalite* ble a+.
15 Li bay latè lòd,Pawòl li a rive byen vit.
16 Li kouvri tè a ak nèj tankou se te ak yon lenn+,Li gaye nèj tankou sann dife+.
17 Li fè lagrèl* tonbe tankou ti moso pen+.Kiyès ki ka sipòte lè l fè gen fredi+?
18 Li bay lòd epi yo fonn.Li fè yon van soufle+ epi dlo yo kouri.
19 Li fè Jakòb konnen pawòl li yo,Li fè Izrayèl konnen lwa l yo ak jijman l yo+.
20 Li pa fè sa pou okenn lòt nasyon+,Yo pa konn anyen nan jijman l yo.Louwe Ja*+!
Nòt anba paj
^ Oswa: “Alelouya”. “Ya” oswa “Ja” se non Jewova yon fason ki kout.
^ Oswa: “pou nou fè mizik”.
^ Gade Lis mo yo esplike yo.
^ Lit.: “Li satisfè w ak grès”.
^ Oswa: “glas”.
^ Oswa: “Alelouya”. “Ya” oswa “Ja” se non Jewova yon fason ki kout.
