Եսայիա 54։1-17
54 «Ո՛վ ամուլ կին, որ երբեք զավակ չես ծնել, ցնծագին բացականչիր:+
Ո՛վ կին, որ երբևէ ծննդաբերության ցավ չես քաշել,+ ցնծա և ուրախությունից գոչիր,+Որովհետև դու, որ լքված ես, ավելի շատ զավակներ* կունենաս,Քան այն կինը, ով ամուսին* ունի,+– ասում է Եհովան:–
2 Ընդարձակիր վրանիդ տեղը,+Մեծացրու քո վեհապանծ խորանի պաստառները:
Ոչինչ մի՛ խնայիր: Երկարացրու վրանիդ պարաններըԵվ ամրացրու դրա սեպերը:+
3 Սահմաններդ աջ ու ձախ կընդարձակվեն,Քո սերունդները կտիրեն ազգերինԵվ բնակություն կհաստատեն ամայացած քաղաքներում:+
4 Մի՛ վախեցիր,+ որովհետև ամոթահար չես լինի,+Քեզ նվաստացած մի՛ զգա, որովհետև չես հիասթափվի:
Դու կմոռանաս երիտասարդ օրերիդ անպատվությունըԵվ այլևս չես հիշի այրիությանդ խայտառակությունը»:
5 «Քո Մեծ Ստեղծիչը+ քեզ համար ամուսին* է,+Նրա անունը Զորքերի տեր Եհովա է:
Իսրայելի Սուրբը քեզ Փրկագնողն է:+
Նրան ողջ երկրի Աստված կկոչեն:+
6 Ես՝ Եհովաս, կանչեցի քեզ՝ որպես լքված ու վշտահար մի կնոջ,+Մի կնոջ, որն ամուսնացել էր երիտասարդ տարիքում, իսկ հետո մերժվել»,– ասում է քո Աստվածը:
7 «Ես կարճ ժամանակով լքեցի քեզ,Բայց մեծ գթասրտություն դրսևորելով՝ հետ կբերեմ:+
8 Երբ բարկությունս բորբոքվեց, մի պահ երես թեքեցի քեզնից,+Բայց հավիտյան քո հանդեպ հավատարիմ սեր կդրսևորեմ ու գթասիրտ կլինեմ»,+– ասում է քեզ Փրկագնողը՝+ Եհովան:
9 «Ինչպես Նոյի օրերում էր,+ երբ երդվեցի, որ ջրերը այլևս երկիրը չեն ծածկի,+Այնպես էլ հիմա եմ երդվում, որ քո հանդեպ այլևս զայրույթով չեմ լցվի ու քեզ չեմ պատժի:+
10 Անգամ եթե անհետանան լեռները,Սասանվեն բլուրները,Միևնույն է, չի վերանա քո հանդեպ իմ հավատարիմ սերը,+Չի խախտվի խաղաղության իմ ուխտը»,+– ասում է Եհովան, ով գթասիրտ է քո հանդեպ:+
11 «Ո՜վ կեղեքված,+ հողմահալած, անմխիթար կին,+Ես քո քարերը պինդ շաղախով կշարեմ,Հիմքդ շափյուղայով կդնեմ,+
12 Եզրապատերդ ռուբինից կշինեմ,Դարպասներդ՝ շողշողուն* քարերից,Բոլոր պարիսպներդ՝* թանկարժեք քարերից:
13 Քո բոլոր զավակները* Եհովայի կողմից ուսուցանված կլինեն,+Եվ նրանք լիուլի խաղաղություն կվայելեն:+
14 Դու ամուր հիմնված կլինես արդարության վրա:+
Ոչ ոք քեզ չի կեղեքի,+Ոչինչ քեզ չի վախեցնի, սարսափ չի ներշնչի,Քանի որ ոչ մի ահազդու բան քեզ չի մոտենա:+
15 Եթե որևէ մեկը հարձակվի քեզ վրա,Դա իմ հրամանով չի լինի:
Ով հարձակում գործի քեզ վրա, պարտություն կկրի»:+
16 «Ես եմ ստեղծել արհեստավորին,Ով բորբոքում է փայտածուխի կրակը ու զենք պատրաստում:
Ես եմ ստեղծել նաև նրան, ով զենքով կործանում է բերում:+
17 Այնպես որ քո դեմ ստեղծված ոչ մի զենք հաջողություն չի ունենա,+Եվ ինչ մեղադրանքներ էլ քո դեմ հնչեցնեն, դու կփաստես, որ դրանք կեղծ են:*
Սա է իմ՝ Եհովայիս ծառաների ժառանգությունը,Ես եմ նրանց արդար համարում»,– ասում է Եհովան:+
Ծանոթագրություններ
^ Բռց.՝ «որդիներ»:
^ Կամ՝ «տեր»:
^ Կամ՝ «տեր»:
^ Կամ՝ «հրագույն»:
^ Բռց.՝ «սահմաններդ»:
^ Բռց.՝ «որդիները»:
^ Բռց.՝ «քո դեմ դատաստանի դուրս եկող ցանկացած լեզու դու կդատապարտես»:
