Մարդիկ հիասթափվում են, երբ նրանք, ումից ակնկալվում է վստահարժան լինել, չեն արդարացնում իրենց հույսերը։ Շատերը կորցրել են իրենց վստահությունը...

•   քաղաքական գործիչների հանդեպ, քանի որ նրանք սեփական շահը վեր են դասում ժողովրդի բարօրությունից,

•   լրատվամիջոցների հանդեպ, քանի որ չեն ապահովում անկողմնակալ և ճշգրիտ տեղեկատվություն,

•   գիտնականների հանդեպ, քանի որ չեն գործում ի նպաստ հասարակության շահերի,

•   կրոնական գործիչների հանդեպ, քանի որ Աստծուն ներկայացնելու փոխարեն ակտիվորեն ներգրավված են քաղաքականության մեջ։

 Մարդիկ ճիշտ են վարվում, որ վստահելու հարցում զգույշ են լինում։ Աստվածաշունչը խորհուրդ է տալիս.

•   «Մի՛ ապավինեք իշխանավորներին, մարդ արարածին, որը չի կարող փրկություն բերել» (Սաղմոս 146։3)։

  Ո՞վ է այն մեկը, ում կարող եք լիովին վստահել։ Աստվածաշունչը ցույց է տալիս, որ դա Հիսուս Քրիստոսն է։ Ոմանց կարծիքով՝ նա պարզապես դարեր առաջ ապրած լավ մարդ է եղել։ Բայց իրականում Հիսուսը շատ ավելի մեծ դեր ունի։ Աստված նրան Թագավոր է նշանակել, «և նրա իշխանությանը վերջ չի լինելու» (Ղուկաս 1։32, 33)։ Հիսուսը Աստծու թագավորության ղեկավարն է, այն կառավարության, որն այժմ իշխում է երկնքից (Մատթեոս 6։10)։

•   Իմացեք, թե ինչու կարող եք վստահել Հիսուսին՝ ընթերցելով «Ով է լինելու Աստծու Թագավորության թագավորը» և «Ինչ է անելու Աստծու Թագավորությունը» հոդվածները։