Շատերի համար ռասայական հավասարությունը այդպես էլ չիրականացած երազանք է։

•   «Ռասիզմը շարունակում է թունավորել հաստատությունները, սոցիալական խմբերը և հասարակության առօրյա կյանքը։ Այն մշտական անհավասարության խթան է» (Անտոնիո Գուտերեշ, ՄԱԿ-ի գլխավոր քարտուղար)։

 Ռասայական հավասարությունը երբևէ իրականություն կդառնա՞։ Ի՞նչ է ասում Աստվածաշունչը։

 Աստվածաշունչը սովորեցնում է մեզ, թե Աստված ինչպես է վերաբերվում տարբեր ռասաների մարդկանց։

•   «[Աստված] մեկ մարդուց ստեղծեց մարդկանց բոլոր ազգերը, որպեսզի բնակվեն ամբողջ երկրի երեսի վրա» (Գործեր 17։26)։

•   «Աստված կողմնակալ չէ, այլ բոլոր ազգերի մեջ, ով վախենում է նրանից և արդարություն է գործում, ընդունելի է նրան» (Գործեր 10։34, 35)։

 Աստվածաշունչը հայտնում է, որ բոլոր մարդիկ մեկ ընտանիքի մաս են կազմում, և Աստված ընդունում է բոլոր ռասաները։

 Իրական հավասարություն կհաստատի միայն Աստծու Թագավորությունը, որը երկնային կառավարություն է։ Այդ կառավարությունը կսովորեցնի մարդկանց՝ ինչպես ճիշտ վարվել մյուսների հետ։ Մարդիկ կսովորեն, թե ինչպես ազատվել ռասիստական հայացքներից և նախապաշարումներից։

•   «Երկրի.... բնակիչները արդարություն [կսովորեն]» (Եսայիա 26։9)։

•   «Ճշմարիտ արդարության արդյունքը խաղաղություն կլինի, և ճշմարիտ արդարության պտուղը՝ հանգստություն ու ապահովություն դարեդար» (Եսայիա 32։17)։

 Այսօր միլիոնավոր մարդիկ Աստվածաշնչի օգնությամբ սովորում են, թե ինչպես հարգանքով և արժանպատվորեն վերաբերվել մյուսներին։

•   Ավելին իմանալու համար ընթերցեք «Արթնացե՛ք» պարբերագրի «Նախապաշարումներ. հնարավո՞ր է հաղթահարել» խորագրով թողարկումը։

•   Կարդացեք «Ինչպե՞ս երեխաների հետ խոսել ռասիզմի մասին» վերնագրով հոդվածը իմանալու համար, թե ծնողներն ինչպես կարող են քննարկել այս հարցը երեխաների հետ։