Քույրը կաթսայատանը մեկուսացնում է ջեռուցման խողովակները։

Հանդերձարանի լոգարանում արհեստավորները սալիկապատում են պատերը։

Եղբայրը տեղադրում է շանթարգելի ցանցը: Այն նախատեսված է շինությունը կայծակից պաշտպանելու համար։ Եղբոր համազգեստը պարանով ամուր կապված է տանիքին, որպեսզի նա անվտանգ աշխատի։

Եղբայրները մաքրում են պատուհանները, որպեսզի դրանք նախապատրաստեն անվտանգության պիտակները փակցնելու համար։ Այդ պիտակների շնորհիվ պատուհանները ավելի տեսանելի կլինեն, և մարդիկ քայլելիս չեն բախվի դրանց։

Քույրը հատուկ տեսանկարահանող սարքով ստուգում է, թե արդյոք նոր տեղադրված ջրատար խողովակները մաքուր են և պատրաստ շահագործման։

Ատաղձագործները տեղադրում են փայտե տախտակներ այն սրահի պատին, որը հետագայում ծառայելու է որպես ճաշարան, լսարան և հատուկ միջոցառումների անցկացման վայր։

Կանաչապատողները եզրապատի երկայնքով տնկում են բույսեր։

Եղբայրները տեղադրում են ապակե արգելապատնեշ, որը հայտնի է «Ջուլիետ» պատշգամբ անունով։ Այդ պատնեշը կպաշտպանի բնակիչներին՝ միաժամանակ չխոչընդոտելով լույսի և օդի ազատ ներթափանցումը։

Գլխավոր ընդունարանի դիմացի հատվածում էլեկտրիկները լույսեր են տեղադրում։

Եղբայրը էլեկտրական գործիքով կտրում է օդափոխության համար նախատեսված խողովակները։

Կանաչապատման աշխատողները ծառեր են տնկում և արահետներ են բացում։ Ձախ կողմում բազմաֆունկցիոնալ սրահի շենքն է, որը ծառայելու է որպես ճաշարան, լսարան և միջոցառումների անցկացման վայր։ Հետևում երևում է բնակելի շենք Ա-ն։

Ինժեները տեղադրում է հակահրդեհային ցնցուղային համակարգի մասերից մեկը։

Կանաչապատողները փխրեցնում են հողը, որպեսզի սիզամարգի սերմեր ցանեն։ Հետևի մասում ջրցան ձողով լվանում են գրասենյակների պատուհանները։

Աշխատողները գործիքներով ուղղում են ինքնահարթեցվող հատակը։ Նրանք գլանիկով վերացնում են օդի պղպջակները։

Աշխատողները վինիլային հատակ են տեղադրում բազմաֆունկցիոնալ սրահում, որը ծառայելու է որպես ճաշարան, լսարան և միջոցառումների անցկացման վայր։ Հետևի պատին, որտեղ բեմն է լինելու, տեղադրվելու են մոնիտորներ և ձայնային համակարգ։

Տեսանյութերի նկարահանման ստուդիային կից՝ ատաղձագործը կահավորում է նկարահանվողների համար նախատեսված վարսահարդարման և դիմահարդարման սենյակը։

Արհեստավորները գրասենյակում տեղադրում են հավաքովի-քանդովի միջնորմեր։ Դրանք հնարավորություն են տալիս անհրաժեշտության դեպքում հեշտությամբ ձևափոխելու գրասենյակը։

Պայմանագրով աշխատողը տեսանյութերի նկարահանման ստուդիայի համար իրար է միացնում ձողակառուցները։ Նկարահանումների ժամանակ այդ կառույցների վրա ամրացվելու են լույսեր և տեսախցիկներ։

Տեսարան հյուսիսային կողմից։ Ձախ կողմում երևում են Բ, Գ, Դ, Ե և Զ բնակելի շենքերը, որոնք արդեն պատրաստ են։ Կենտրոնում երևում են Ա բնակելի շենքը, որի շինարարությունը մոտենում է իր ավարտին, և գրասենյակային շենքը, որի շինարարությունը արդեն ավարտվել է։ Աջ կողմում հարավային և հյուսիսային արտադրական շենքերն են, որոնց շինարարությունը գրեթե ավարտված է։ Ամբողջ տարածքում դեռևս շարունակվում են կանաչապատման աշխատանքները։

Աշխատողները ընդունարանի հետնամասում տեղադրում են քարե սալիկներ։ Հետնամասում երևացող ծածկը պաշտպանում է արևից, մինչ մաքրում են քարե սալիկները։