29 ku April–5 ku Mei
EPSALME 34-35
Eimburiro 10 nongumbiro | Omambo wokuuta ombongarero (omin. 1)
1. “Tanga Muhona omayuva ayehe”
(ozomin. 10)
David aa tanga Jehova nandarire indu tjaa munu omauzeu (Eps 34:1; w07-E 3/1 22 opar. 11)
David aa hivirike Jehova, nungwari kee rihivi omuini (Eps 34:2-4; w07-E 3/1 22 opar. 13)
Omambo wa David wokutanga Jehova ya tunduuza varwe (Eps 34:5; w07-E 3/1 23 opar. 15)
David tja za nokuza po pu Abimelek, ovarumendu 400 mbe hi na va ri nondjoroka nomananeno wOmbara Saul va ya mokuti onguza ku ye. (1Sam 22:1, 2) Mape ya kutja David ee ripurire kovarumendu mbo indu tja tjanga Epsalme 34.
RIPURA OMUINI KUTJA, ‘Me yenene vi okutanga Jehova indu tji me hungire ku nomundu pombongarero yombongo ndji mai yende?’
2. Okupaha ovihuze mOmbeibela
(ozomin. 10)
-
Eps 34:18—Jehova u zuvira vi ozongumbiro za “imba mbe noruhoze” na “imba mbe rihahiza”? (w11-E 6/1 19)
-
Ovikwaye mbye ku tjatere momalesero wOmbeibela wotjivike hi?
3. Omalesero wOmbeibela
(ozomin. 4) Eps 34:1-22 (th epu 5)
4. Okuuta ehungi
(ozomin. 2) OKUZUVARISA NGUNDA AU HE RI MOTJIUNGURA TJOKUZUVARISA. Ehungi nga ri yande ngunda au hi ya zuvarisa komundu. (lmd ehongwa 1 epu 4)
5. Okukavarura rukwao
(ozomin. 4) OKUZUVARISA NGUNDA AU HE RI MOTJIUNGURA TJOKUZUVARISA. (lmd ehongwa 2 epu 4)
6. Okukahurura ongamburiro yoye
(ozomin. 5) Otjihorera tjovitjitwa. ijwfq-E 59—Epu: Otjikwaye tji tji vatera Ovahongonone va Jehova okutjiwa kutja omukandi worive omuwa poo indee? (th epu 17)
Eimburiro 59
7. Omiano vitatu vyokutanga Jehova pozombongarero zombongo
(ozomin. 15) Otjihungiriro otjipaturuke.
Ozombongarero zombongo ze tu pa oruveze okutanga Jehova. Tara komiano vitatu mbi.
Omahungi: Indu tji mo hungire ku na varwe, hungira ohunga nouwa wa Jehova. (Eps 145:1, 7) Mo yenene okuhungirira kepu ndi wa zuu poo ndi wa lese nu nde ku vatere. Mo yenene okuhungirira kotjihorera otjiwa tji wa ri na tjo motjiungura tjokuzuvarisa. Mo yenene okuhungirira komambo omawa ngwa raerwa i yomundu warwe poo kovitjitwa vyawo oviwa mbye ku tunduuza. Mo yenene okuhungirira kotjiuṋe tjimwe tjoviutwa tji tje ku tjatere. Avihe mbi oviyandjewa okuza ku Jehova. (Jak 1:17) Indjo rukuru pozombongarero zombongo kutja u kare noruveze okuhungira ku na varwe.
Okuyandja eziriro: Kondja okuzira nandarire otjikando tjimwe pombongarero yombongo aihe. (Eps 26:12) Mo yenene okuyandja eziriro ndi mari ziri epuriro osemba, okuhungirira ketjangwa, kotjiperendero, poo kutja matu yenene vi okuungurisa ondjivisiro ndjo. Rongerisa omaziriro omengi mena rokutja varwe ve rirongerisa okuyekuzira wina. Indu omaziriro wetu tji ye ri ozosekonde 30 poo kehi yanao, matu yandja oruveze kovengi kutja ve yandje “ombunguhiro yondangero” ku Mukuru.—Hebr 13:15.
Omaimburiro: Imbura omaimburiro wOuhona nomutima auhe. (Eps 147:1) Ove mape ya o ha yenene okuzira pombongarero yombongo aihe, tjinenenene tji i ri ombongo onene, posi ya mo yenene okuimbura nomutima auhe. Nandarire kutja u muna kutja kaove omuimbure omuwa, indu tji wa imbura nomutima auhe ove mo yorokisa Jehova. (2Kor 8:12) Mo yenene okurirongerisa omaimburiro nga ponganda.
Nyanda OKAVIDIO Omakuruhungi wetu—Otjiyandjewa tjomaimburiro, Orupa 1. Okuzambo pura epuriro ndi:
Rukuru aatu raisa vi kutja okutanga Jehova nomaimburiro otjiṋa otjinanḓengu?
8. Omakonḓononeno wOmbeibela wOmbongo
(ozomin. 30) bt-AF ekond. 9 opar. 1-7, omambo wokomeho worupa 3, nokawongo pomuk. 70
